سری لنکا نے اسکینڈل کو ورلڈ کپ کے شاندار انعقاد کو دھندلانے کی سازش قرار دیدیا

ISLAMABAD:
سری لنکا کرکٹ نے اسکینڈل کو ورلڈ کپ کے شاندار انعقاد کو دھندلانے کی سازش قرار دے دیا۔


ایک آفیشل نے نام ظاہر نہ کرنے کی شرط پر کہا کہ میگا ایونٹ کی عمدہ میزبانی کے بعد بھارت کی جانب سے اس طرح کی چیزیں سامنے آنا شروع ہوگئی ہیں، یہ الزامات منفی مہم کا حصہ ہیں۔

ایس ایل سی کے سیکریٹری نشانتھا رانا ٹنگا کا کہنا ہے کہ وہ امپائرز کرپشن اسکینڈل کی تحقیقات میں آئی سی سی اینٹی کرپشن یونٹ سے مکمل تعاون کریں گے۔ انھوں نے کہا کہ ہم کرپشن کے حوالے سے عدم برداشت کی پالیسی پر عمل پیرا اور ہمیں اپنے پلیئرز اور آفیشلز پر مکمل اعتماد ہے۔