کراچی کے علاقے عزیز آباد میں فائرنگ سے کے ڈی اے کے ڈپٹی ڈائریکٹرجاں بحق

عزیز آباد میں فائرنگ سے کے ڈی اے کے ڈپٹی ڈائریکٹر جاں بحق جب کہ ان کی بیٹی زخمی ہوگئی۔


ایکسپریس نیوز کے مطابق کراچی کے علاقے عزیز آباد نمبر 2 میں نامعلوم مسلح ملزمان نے کراچی ڈیولپمنٹ اتھارٹی کے ڈپٹی ڈائریکٹر کی گاڑی پر فائرنگ کردی جس کے نتیجے میں وہ اور ان کی بیٹی شدید زخمی ہوگئے۔ پولیس کے مطابق فائرنگ سے زخمی ہونے والے کے ڈی اے کے ڈپٹی ڈائریکٹر کو طبی امداد کے لیے قریبی اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے۔

ایس ایس پی لیاقت آباد طاہر نورانی کے مطابق فائرنگ کے واقعے میں زخمی ہونے والی ڈپٹی ڈائریکٹر کی بیٹی کو اسپتال منتقل کردیا گیا ہے جہاں اس کی حالت خطرے سے باہر ہے جب کہ جاں بحق ہونے والے شخص کی شناخت اشرف کے نام سے ہوئی ہے۔