کرکٹرز میں نیا مقابلہ پیٹرسن نے گیل کو ’گینگ نام‘ ڈانس کا چیلنج دے دیا

کیون پیٹرسن کا دعویٰ ہے کہ وہ گیل سے زیادہ بہتر انداز میں رقص کرسکتے ہیں۔ فوٹو: فائل

---

اسٹار کرکٹرز میں نیا مقابلہ شروع ہونے والا ہے، انگلش بیٹسمین کیون پیٹرسن نے ویسٹ انڈین اوپنر کرس گیل کو گینگ نام ڈانس کا چیلنج دے دیا۔

انھوں نے ورلڈ کپ کے حوالے سے ایک ٹی وی پر تبصرے کے دوران باقاعدہ اٹھ کر گینگ نام ڈانس کیا، ان کا دعویٰ ہے کہ وہ گیل سے زیادہ بہتر انداز میں رقص کرسکتے ہیں۔ گینگ نام اسٹائل کو سائی کے نام سے مشہورکوریا کے ریپ میوزیشن پارک جائے سینگ نے شہرت کی بلندیوں پر پہنچایا جبکہ گیل نے اسے کرکٹ فیلڈ پر متعارف کرایا۔ پیٹرسن اسٹوڈیو میں موجود دیگر دو ماہرین وسیم اکرم اور سارو گنگولی کو متاثر نہیں کرپائے، ان دونوں کے مطابق گیل کا ردھم پیٹرسن سے زیادہ بہتر ہے۔