ISLAMABAD: آم کو پھلوں کا بادشاہ کہا جاتا ہے لیکن جاپان میں فروخت کیے گئے آموں کے ایک جوڑے کوحقیقتاً بادشاہ کہا جاسکتا ہے کیونکہ اسے تین لاکھ ین یعنی 1ہزار760 برطانوی پاؤنڈ میں بیچا گیا ہے۔

جنوبی شہر میازاکی میں نیلامی کے دوران آموں کا یہ جوڑا فکوکا شہر کے ایک لگڑری ڈیپارٹمنٹل اسٹور نے خریدا اوراب انھیں 2لاکھ 10 ہزارین کی رعایتی قیمت میں فروخت کے لیے پیش کردیا گیا ہے۔

یہ آم نایاب نسل تائیونو ٹوماگو جسے مقامی طورپراردو میں''سورج کا انڈہ'' کہا جاتا ہے اورمہنگی نیلامی میں شامل ہونے کے لیے لازمی ہے کہ آم کا وزن کم ازکم 350 گرام ہواور یہ حد سے زیادہ میٹھا ہو۔