فوجی عدالتوں سے 6 دہشت گردوں کی سزائے موت سپریم کورٹ میں چیلنج

سپریم کورٹ میں درخواست معروف قانون دان عاصمہ جہانگیر کی جانب سے دائر کی گئی۔ فوٹو: فائل

---

نیشنل ایکشن پلان کے تحت قائم کی گئیں فوجی عدالتوں سے 6 دہشت گردوں کی سزائے موت کو سپریم کورٹ میں چیلنج کردیا گیا ہے۔

سپریم کورٹ میں درخواست معروف قانون دان عاصمہ جہانگیر کی جانب سے دائر کی گئی جس میں موقف اختیار کیا گیا ہے کہ سپریم کورٹ میں فوجی عدالتوں کی آئینی حیثیت سے متعلق کیس زیر سماعت ہے اس لئے عدالت سے استدعا کی جاتی ہے کہ فوجی عدالتی کی آئینی حیثیت کے تعین تک سزائے موت پر عملدرآمد روکا جائے۔