ان فٹ یاسر شاہ کی جگہ دورہ بنگلادیش کیلئے ذوالفقار بابر قومی ٹیم میں شامل

صہیب مقصود اور سہیل خان بھی ان فٹ ہوکر بنگلادیش کے خلاف سیریز سے باہر ہوچکے ہیں۔ فوٹو: فائل

---

KARACHI: ٹیم مینجمنٹ نے پریکٹس میچ کے دوران ہاتھ پر چوٹ لگنے سے زخمی ہونے والے لیگ اسپنر یاسر شاہ کی جگہ ذوالفقار بابر کو بنگلادیش کے خلاف سیریز کے لئے ٹیم میں شامل کرلیا ہے۔

پی سی بی ترجمان کے مطابق قومی کرکٹ ٹیم کے میزبان بی سی بی الیون سے پریکٹس میچ کے دوران یاسر شاہ کا بایاں ہاتھ زخمی ہوگیا جس کے باعث وہ بنگلادیش کے خلاف سیریز سے باہر ہوگئے ہیں اور ان جگہ ذوالفقار بابر کو ٹیم میں شامل کرلیا گیا ہے۔

واضح رہے فٹنس مسائل نے ان دنوں پاکستانی ٹیم کو گھیرے رکھا ہے اور اس سے قبل صہیب مقصود اور سہیل خان بھی ان فٹ ہوکر بنگلادیش کے خلاف سیریز سے باہر ہوچکے ہیں۔