ٹیکسلا میں ہوٹل پر چھاپے کے دوران سیکیورٹی فورسز کی وردیاں اور بلٹ پروف جیکٹس برآمد

حساس اداروں کے اہلکاروں نے ہوٹل کے مالک کو حراست میں لے کر تفتیش شروع کر دی ہے۔ فوٹو: فائل

---

حساس اداروں نے ٹیکسلا میں نجی ہوٹل پر چھاپہ مار کر سیکیورٹی فورسز کی وردیاں، ہیلمٹ، بلٹ پروف جیکٹس اور رین کوٹ برآمد کر لئے۔

ایکسپریس نیوز کے مطابق حساس اداروں نے خفیہ اطلاع پر ٹیکسلا میں شاہراہ فیصل پر واقع نجی ہوٹل پر چھاپہ مارا تو اس کے ایک کمرے سے فورسز کے 26 یونیفارم، 26 ہیلمٹ، 10 بلٹ پروف جیکٹس اور 10 رین کوٹ برآمد ہوئے تاہم کوئی گرفتاری عمل میں نہ آ سکی۔ حساس اداروں کے اہلکاروں نے ہوٹل کے مالک کو حراست میں لے کر تفتیش شروع کر دی ہے۔