فلم ’’رئیس‘‘ کے کردار سے مجھ سمیت کوئی اداکار انصاف نہیں کرسکتا شاہ رخ خان

لم ’’رئیس‘‘ میں مرکزی کرادار ادا کرنا مشکل کام ہے،کنگ خان ، فوٹو:فائل

---

بالی ووڈ میں اپنی جاندار اداکاری سے فلم کی کامیابی کی ضمانت سمجھے جانے والے کنگ خان نے کہا ہے کہ نئی آنے والی فلم''رئیس'' کے کردار سے مجھ سمیت کوئی اداکار انصاف نہیں کرسکتا۔

کنگ خان کا کہنا تھا کہ فلم ''رئیس'' میں مرکزی کرادار ادا کرنا مشکل کام ہے اور اس کردار سے مجھ سمیت کو ئی بھی اداکار انصاف نہیں کرسکتا۔ انہوں نے کہا کہ فلم ڈائریکٹرراہول ڈھولکیا نے جب مجھے فلم کے مرکزی کردار کے لئے چنا تو مجھے حیرانی نہیں ہوئی البتہ میرے لئے یہ بات حیران کن تھی کہ اس طرح کی فلم بنانا ہرہدایت کار کے بس کی بات نہیں ۔

واضح رہے کہ بالی ووڈ کنگ خان آج کل اپنی نئی آنے والی فلم ''فین'' کی شوٹنگ میں مصروف ہیں جس کے بعد فلم رئیس کی شوٹنگ کا آغاز کیا جائے گا۔