سلمان خان نے بلا گر کو قانونی نوٹس بھجوادیا

بلاگ کے ذریعے کیس پر اثرانداز ہونے کی کوشش کی گئی ہے، سلمان خان فوٹو:فائل

---

بالی ووڈ کے سپر اسٹار سلمان خان نے بلاگر کو دھمکیاں دینے سے متعلق اپنے اوپر لگائے گئے الزام کی تردید کرتے ہوئے بلاگر کو قانونی نوٹس بھجوادیا ہے۔

بھارتی میڈیا کے مطابق سلمان خان کی جانب سے بھیجے گئے قانونی نوٹس میں کہا گیا ہے کہ ان کی کبھی اس بلاگر سے کوئی بات چیت نہیں ہوئی اور نہ ہی انہوں نے کبھی بلاگ ہٹانے سے متعلق کچھ کہا ہے۔ نوٹس کے مطابق سلمان خان پر چلنے والے کار حادثہ کیس میں 2 بلاگ کے ذریعے اثرانداز ہونے کی کوشش کی گئی ہے جب کہ بلاگ میں کیس کے حقائق کو بھی مسخ کرکے پیش کیا گیا ہے۔

واضح رہے کہ سلمان خان پر ستمبر 2002 میں نشے کی حالت میں ممبئی کے علاقے باندرا میں ایک بیکری کے باہر سوئے 5 افراد کو گاڑی تلے کچلنے کا الزام ہے جب کہ واقعے کے نتیجے میں ایک شخص ہلاک اور 4 زخمی ہوگئے تھے۔