نائجیریا میں پراسرار بیماری نے 18 افراد کی جان لے لی

عالمی ادارہ صحت اور نائیجریا کے ماہرین بیماری کی نوعیت کا پتہ لگا رہے ہیں تاہم اب تک وہ کسی نتیجے تک نہیں پہنچ سکے ہیں فوٹو: فائل

---

نائیجریا میں پراسرار بیماری نے 18 افراد کی جان لے لی ہے تاہم ماہرین اب تک اس کی وجوہات کا پتہ نہیں لگا پائے۔

غیرملکی خبررساں ادارے کے مطابق نائیجیریا کی ریاست اونڈو سے پھیلنے والی یہ بیماری اب گرد و نواح کے علاقوں میں بھی پھیلتی جارہی ہے، اس بیماری میں مبتلا افراد کو پہلے دھندلا دکھائی دینے لگتا ہے پھر سر میں درد ہوتا ہے اور مریض اپنے حواس کھو بیٹھتا ہے، جس کے 24 گھنٹے میں مریض کی موت واقع ہوجاتی ہے۔ عالمی ادارہ صحت اور نائیجریا کے ماہرین بیماری کی نوعیت کا پتہ لگا رہے ہیں تاہم اب تک وہ کسی نتیجے تک نہیں پہنچ سکے ہیں۔

واضح رہے کہ اس سے قبل بھی افریقی ممالک میں ایبولا کا وائرس تباہی مچا چکا ہے جس کا شکار ہوکر ہزاروں افراد ہلاک ہو چکے ہیں۔