حیدر آباد میں ریلوے ٹریک دھماکے سے تباہ

حسین آباد میں ریلوے ٹریک دھماکے سے تباہ کردیا گیا جس سے ٹرینیوں کی آمدورفت معطل ہوگئی۔

ایکسپریس نیوز کے مطابق حیدرآباد کے علاقے حسین آباد میں ریلوے ٹریک کو نامعلوم افراد نے دھماکہ خیز مواد کی مدد سے تباہ کردیا جس کے نتیجے میں اپ ٹریک کا ڈیڑھ فٹ کا حصہ متاثر ہوگیا تاہم کسی جانی نقصان نہیں ہوا۔ بم ڈسپوزل اسکواڈ کے مطابق 500 گرام کے قریب دیسی ساختہ دھماکا خیز مواد ریلوےلائن پرنصب کیاگیا تھا۔


اسٹیشن ماسٹر شمس الدین کا کہنا ہے کہ ریلوے ٹریک پر بم دھماکے کے بعد متاثرہ حصے کا مرمتی کام مکمل کر کے اپ ٹریک کو بحال کر دیا گیا ہے۔

دھماکے کے بعد پولیس نے علاقے کو گھیرے میں لے کر سرچ آپریشن شروع کردیا جب کہ ٹرینوں کی آمدورفت بھی معطل ہو گئی تھی۔