فاسٹ بولر راحت علی اور احسان عادل کے بعد سہیل خان بھی ان فٹ ہوکر بنگلادیش کے خلاف سیریز سے باہر ہوگئے ہیں۔

ایکسپریس نیوز کے مطابق بنگلا دیش کے خلاف ابھی ون ڈے سیریز مکمل نہیں ہوئی کہ قومی ٹیم کے احسان عادل اور راحت علی کے بعد فاسٹ بولنگ کے تیسرے اہم ستون سہیل خان بھی ان فٹ ہوکر پوری سیریز سے ہی باہر ہوگئے ہیں، سہل خان کے باہر ہونے کے بعد عمران خان جونیئر کو ٹیسٹ اسکواڈ میں شامل کیا گیا ہے۔

واضح رہے کہ قومی ٹیم تاریخ میں پہلی مرتبہ بنگلا دیش سے ایک روزہ سیریز ہارچکی ہے۔