جنوبی وزیرستان میں فورسز کی کارروائی میں 5 دہشت گرد ہلاک آئی ایس پی آر

علاقے میں موجود دیگر دہشت گرد اپنے 4 ساتھیوں کی لاشیں چھوڑ کر فرار ہوگئے، ترجمان پاک فوج، فوٹو:فائل

---

جنوبی وزیرستان کے علاقے شکتو میں سرچ آپریشن کے دوران 5 دہشت گرد ہلاک ہوگئے۔

ترجمان پاک فوج کے مطابق جنوبی وزیرستان کے علاقے شکتو میں سکیورٹی فورسز نے سرچ آپریشن کیا اس دوران علاقے میں موجود دہشت گردوں کی جانب سے فورسز پر فائرنگ کی گئی جس کے بعد سکیورٹی فورسز کی جانب سے بھرپور جوابی کارروائی کی گئی۔

ترجمان کا کہنا تھا کہ سکیورٹی فورسز کی بھرپور جوابی کارروائی میں 5 دہشت گرد ہلاک ہوگئے جب کہ علاقے میں موجود دیگر دہشت گرد اپنے 4 ساتھیوں کی لاشیں چھوڑ کر فرار ہوگئے جنہیں سکیورٹی فورسز نے اپنی تحویل میں لے لیا ہے۔

واضح رہے کہ گزشتہ رات شمالی اور جنوبی وزیر ستان کے علاقوں میں بھی فضائی کارروائی کی گئی جس میں 27 دہشت گرد مارے گئے۔