بارسلونا اوپن میں رافیل نڈال نے نکولس الماگرو سے انتقام لے لیا

لماگرو نے نڈال سے ہونے والے 13 باہمی مقابلوں میں اولین فتح گذشتہ برس کوارٹر فائنل میں حاصل کی تھی ۔ فوٹو : اے ایف پی

---

بارسلونا اوپن میں رافیل نڈال نے نکولس الماگرو سے گذشتہ برس کوارٹر فائنل کی شکست کا انتقام لے لیا، کامیابی نے اسپینش اسٹار کو تیسرے رائونڈ میں پہنچا دیا، موجودہ یوایس اوپن چیمپئن مارن کلک ناکامیوں کی دلدل میں دھنس گئے، اسٹٹ گارٹ ویمنز ٹینس ٹورنامنٹ میں اگنیسکا ریڈوانسکا کو سارا ایرانی نے اپ سیٹ شکست دے دی۔

تفصیلات کے مطابق نڈال نے نکولس الماگرو کو6-3،6-1 سے مات دے کر تیسرے رائونڈ میں جگہ بنالی، الماگرو نے نڈال سے ہونے والے 13 باہمی مقابلوں میں اولین فتح گذشتہ برس کوارٹر فائنل میں حاصل کی تھی، جس کے بعد نڈال کے یہاں پر 41 لگاتار میچزجیتنے کا سلسلہ رک گیا تھا،ڈیوڈ فیرر نے البرٹ مونتانیز کو 6-2 اور6-3 سے زیر کرلیا، وہ ممکنہ طور پر سیمی فائنل میں نڈال کے سامنے آسکتے ہیں، ایلس یامر نے آسٹریلیا کے نک کریگوئس کو مات دے دی، پبلو الیجاندرو نے لیونارڈو مائر پر غلبہ پایا، یوایس اوپن چیمپئن مارن کلک کو ڈومنیکا کے غیرمعروف پلیئر وکٹر ایسٹریلا کے ہاتھوں 6-4،6-4 سے مات ہوگئی۔

سانتیاگو گیرالڈو نے پرتگالی حریف جوآئو سوسا کو دلچسپ مقابلے میں 6-3،3-6 اور6-1 سے قابو کرلیا۔ دوسری جانب اسٹٹ گارٹ ویمنز ٹینس ٹورنامنٹ کے پہلے رائونڈ میں سارا ایرانی نے 7 سیڈ اگنیسکا ریڈوانسکا کو شکست دے دی، سبائن لیسکی کو قازقستان کی غیرمعروف پلیئر سرینہ ڈیجاس نے ہرادیا۔

اینجلیک کیربر نے الیگزا گلاتھ کو قابو کرلیا، دیگر میچز میں5 سیڈ اینا ایوانووک کو فرنچ پلیئر کیرولین گارشیا نے حیران کن طور پر ٹھکانے لگا دیا،کارلا سواریز نیوارو نے ایوگینیا روڈینا کو قابو کرلیا، مارینا میلنکووا نے پیٹرا مارٹک کو زیر کرلیا، گاربین مگروزا نے باربورا زالووا اسٹرائیکوا، میڈیسن برینگل نے البریٹا بیرانٹی اور لوسیا سفارووا نے کیٹرینا بوندرنیکو کو شکست دی،6 سیڈ ایکٹرینا ماکارووا نے امریکاکی بیتھنی میٹک سینڈز کو مات دے دی۔