پنجاب کی مختلف جیلوں میں قتل کے 2 مجرموں کو تختہ دار پر لٹکا دیا گیا

ملک میں سزائے موت پر عمل درآمد شروع ہونے کے بعد سے اب تک 80 سے زائد مجرموں کو تختہ دار پر لٹکا یا جاچکا ہے۔ فوٹو: فائل

---

پنجاب کی مختلف جیلوں میں قتل کے 2 مجرموں کو پھانسی دے دی گئی۔

ایکسپریس نیوز کے مطابق سینٹرل جیل ساہیوال میں قتل کے مجرم حنیف کو پھانسی دیدی گئی، مجرم نے 2006میں پولیس مقابلےمیں اےایس آئی کو قتل کردیا تھا جب کہ اس موقع پر جیل کے اطراف میں سیکیورٹی کے انتہائی سخت انتظامات کئے گئے تھے۔ ادہر ڈسٹرکٹ جیل سرگودھا میں بھی قتل کے مجرم گل محمد کو تختہ دار پر لٹکادیا گیا، مجرم نے 1998میں اپنے برادرنسبتی کوقتل کردیاتھا۔

واضح رہے کہ گزشتہ برس دسمبر میں حکومت کی جانب سے سزائے موت پر عمل درآمد شروع ہونے کے بعد سے اب تک ملک کی مختلف جیلوں میں تقریبا 80 افراد کو سزائے موت دی جا چکی ہے۔