شاہد کپور جون میں سر پر سہرا سجائیں گے

شاہد کپور کی شادی میڈیکل کی طالبہ میرا راجپوت سے انجام پائے گی، فوٹو:فائل

---

ISLAMABAD: بالی ووڈ میں اپنے معاشقوں کے حوالے سے مشہور شاہد کپور رواں برس کے جون میں سر پر سہرا سجائیں گے جس کے لیے وہ تیاریوں میں اتنے مصروف ہیں کہ انہوں نے اپنی آنے والی فلم کی شوٹنگ بھی ملتوی کردی ہے۔

بھارتی میڈیا کے مطابق بالی ووڈ اسٹار شاہد کپور کی نئی فلم ''فرضی'' کی شوٹنگ جون میں شروع ہونی تھی تاہم بالی ووڈ اداکار کی شادی کے باعث فلم کی شوٹنگ ملتوی کردی گئی ہے۔ ڈائریکٹرراج ندی مورو نے فلم کی شوٹنگ میں تاخیر کی تصدیق کرتے ہوئے کہا کہ جون میں شاہد کپور کی شادی کے باعث فلم کی شوٹنگ میں تاخیر کی گئی ہے اور اب شوٹنگ شادی کے بعد شروع کی جائے گی۔

واضح رہے کہ شاہد کپور کی شادی میڈیکل کی طالبہ میرا راجپوت سے انجام پائے گی جب کہ ان کی شادی سے متعلق رواں سال کے دسمبر میں خبریں زیر گردش تھیں۔