کوٹری لوڈشیڈنگ کے دوران2دکانیں لوٹ لی گئیں

کوٹری میں ڈاکوئوں نے لوڈ شیڈنگ کا فائدہ اٹھاتے ہوئے بیک وقت 2 دکانوں کا صفایا کر دیا۔


جبکہ غریب آباد کالونی میں بھی لوٹ مار کی۔ تفصیلات کے مطابق کوٹری کے علاقے غریب آباد کالونی میں 4 نامعلوم مسلح افراد اختر باجوہ کے گھر میں داخل ہوئے اور اہل خانہ کو کمرے میں بند کر دیا ، ملزمان 20 ہزار روپے نقد ،10 تولے کے طلائی زیورات اور ایک موٹر سائیکل لے اڑے۔

دوسری طرف مین لیاقت روڈ پر3 ڈاکوئوں نے اسلم گودرائی کی دکان میں موجود افراد سے گن پوائنٹ پر 4 موبائل فون اور 50 ہزار روپے لوٹ لیے جبکہ دوسری واردات بھی لیاقت روڈ پر ہوئی جس میں موبائل شاپ سے نامعلوم مسلح افراد 40 ہزار کے موبائل فون اور 10 ہزار روپے نقدی لے اڑے۔