افغانستان میں جھڑپوں میں23 فوجی اور10طالبان ہلاک
صوبہ قندھار میں کار بم دھماکے میں رومانیہ کے 4 فوجی زخمی ہوگئے۔
طالبان نے اچانک حملہ کرکے چیک پوسٹ کے قریب مقیم افغان اہلکاروں کوبھی نشانہ بنایا۔ فوٹو: رائٹرز
ISLAMABAD:
افغانستان میں جھڑپوں کے نتیجے میں 23 افغان فوجی اور 10 طالبان جنگجو ہلاک ہوگئے، کار بم دھماکے میں رومانیہ کے 4 فوجی بھی زخمی ہو گئے۔
ذرائع ابلاغ کے مطابق صوبہ خوست کے سرحدی علاقے بابرک چیک پوسٹ کے مقام پر افغان فورسز اور طالبان کے درمیان جھڑپ میں 23 فوجی ہلاک ہوگئے جبکہ 10 طالبان بھی مارے گئے۔ جھڑپ میں 15 جنگجو زخمی بھی ہوئے۔ اس حوالے سے مصدقہ ذرائع نے تصدیق کرتے ہوئے بتایا کہ کرم ایجنسی کے ساتھ منسلک افغان صوبہ خوست کے سرحدی علاقے بابرک چیک پوسٹ پر جمعے کو صبح طالبان نے اچانک حملہ کر دیا جس میں چیک پوسٹ اور قریب مقیم افغان فورسز کے 23 اہلکار موقع پر جاں بحق جبکہ متعدد زخمی ہو گئے۔
افغان فورسز کی جوابی کارروائی میں 10 طالبان بھی مارے گئے۔ اس بات کی تصدیق نہیں ہوئی کہ ان حملہ آوروں کا تعلق افغان طالبان سے تھا یا حقانی گروپ سے تھا۔ صوبہ خوست کے ضلع علی زئی اورلوئر کرم ایجنسی علی زئی پاکستان اور افغانستان کے سرحدی علاقے ہیں۔ دریں اثنا صوبہ قندھار میں کار بم دھماکے میں رومانیہ کے 4 فوجی زخمی ہوگئے۔ رومانیہ کی وزارت دفاع کی جانب سے ایک بیان میں کہا گیا ہے کہ واقعہ اس وقت پیش آیا جب فوجی قندھار میں واقع ملٹری بیس سے 8 کلو میٹر دور گشت پرمامور تھے۔ اسپتال میں زخمی فوجیوں کی حالت خطرے سے باہر ہے۔
افغانستان میں جھڑپوں کے نتیجے میں 23 افغان فوجی اور 10 طالبان جنگجو ہلاک ہوگئے، کار بم دھماکے میں رومانیہ کے 4 فوجی بھی زخمی ہو گئے۔
ذرائع ابلاغ کے مطابق صوبہ خوست کے سرحدی علاقے بابرک چیک پوسٹ کے مقام پر افغان فورسز اور طالبان کے درمیان جھڑپ میں 23 فوجی ہلاک ہوگئے جبکہ 10 طالبان بھی مارے گئے۔ جھڑپ میں 15 جنگجو زخمی بھی ہوئے۔ اس حوالے سے مصدقہ ذرائع نے تصدیق کرتے ہوئے بتایا کہ کرم ایجنسی کے ساتھ منسلک افغان صوبہ خوست کے سرحدی علاقے بابرک چیک پوسٹ پر جمعے کو صبح طالبان نے اچانک حملہ کر دیا جس میں چیک پوسٹ اور قریب مقیم افغان فورسز کے 23 اہلکار موقع پر جاں بحق جبکہ متعدد زخمی ہو گئے۔
افغان فورسز کی جوابی کارروائی میں 10 طالبان بھی مارے گئے۔ اس بات کی تصدیق نہیں ہوئی کہ ان حملہ آوروں کا تعلق افغان طالبان سے تھا یا حقانی گروپ سے تھا۔ صوبہ خوست کے ضلع علی زئی اورلوئر کرم ایجنسی علی زئی پاکستان اور افغانستان کے سرحدی علاقے ہیں۔ دریں اثنا صوبہ قندھار میں کار بم دھماکے میں رومانیہ کے 4 فوجی زخمی ہوگئے۔ رومانیہ کی وزارت دفاع کی جانب سے ایک بیان میں کہا گیا ہے کہ واقعہ اس وقت پیش آیا جب فوجی قندھار میں واقع ملٹری بیس سے 8 کلو میٹر دور گشت پرمامور تھے۔ اسپتال میں زخمی فوجیوں کی حالت خطرے سے باہر ہے۔