ویران میدان اور ہمارے کیمروں کی آنکھ

زمبابوے کی ٹیم کا دورہ پاکستان انتہائی اہم ہے جس سے ملک میں بین الاقوامی کرکٹ کے دروازے کھلنے کے امکانات روشن ہیں۔ فوٹو: فائل

---

کہتے ہیں جس جگہ کھیلوں کے میدان آباد ہوں وہاں کے ہسپتال ویران ہوتے ہیں یہی حال ہمارے پاکستان کا بھی ہے۔

ایک وہ وقت تھا جب یہاں کے لوگوں کو کرکٹ کا جنون تھا، کراچی، لاہور، راولپنڈی اور پشاور کے میدانوں میں ہزاروں شائقین کرکٹ اپنے ہر دل عزیز کھیل سے لطف اندوز ہوا کرتے تھے۔ جو اس سہولت سے محروم رہتے وہ کانوں سے ریڈیو لگائے رکھتے یا گھنٹوں ٹی وی کے سامنے بیٹھ کر میچ کے لمحات کو یادگار بنایا کرتے تھے۔

مگر پھر جیسے اس ملک کو اور یہاں کی کرکٹ کو کسی کی نظر لگ گئی۔ دہشت گردی اور انتہاء پسندی کی وجہ سے یہاں کے بازار، مساجد، عبادت گاہیں اور تعلیمی ادارے زیرِ عتاب آئے وہیں کرکٹ کو بھی تباہی کا سامنا کرنا پڑا۔ تین مارچ 2009ء پاکستان کرکٹ کی تاریخ کا ایک سیاہ ترین دن تھا جس دن کے بعد پاکستان کے خوبصورت میدان ویران ہوگئے۔

3rd March saddest day for Pakistan cricket :( #Srilankanteamattack#3march2009#anna

— FANS OF M.HAFEEZ (@FANSOFMHAFEEZ) March 3, 2015

3 مارچ2009 کو پاکستان اور سری لنکا کے درمیان لاہور میں ہونے والے ٹیسٹ میچ کے موقع پر سری لنکن ٹیم پر اس وقت حملہ ہوا تھا جب وہ تیسرے دن کے کھیل کے لیے ہوٹل سے اسٹیڈیم جا رہی تھی۔ اس واقعے کے بعد سے پاکستان میں انٹرنیشنل کرکٹ نہیں ہوسکی اور پاکستانی ٹیم اپنی تمام تر انٹرنیشنل کرکٹ متحدہ عرب امارات میں کھیلنے پر مجبور ہے۔ لیکن اب امید کی شمع روشن ہوئی ہے اور میدان آباد ہونے کا خواب شرمندہ تعبیر ہونے جارہا ہے۔

زمبابوے کی کرکٹ ٹیم نے 6 سال بعد بالاخر پاکستان کے دورہ کے لیے حامی بھر لی ہے اور وہ 19مئی کو پاکستان پہنچے گی۔ مہمان ٹیم پاکستان میں 3 ون ڈے اور 2 ٹی ٹوئنٹی میچز کھیلے گی۔ دونوں ٹیموں کے درمیان ٹی ٹوئنٹی میچز 22 اور 24 مئی کو کھیلے جائیں گے جب کہ ایک روزہ میچوں کی سیریز 26، 29 اور 31 مئی کو کھیلی جائے گی۔

https://twitter.com/zainabmobin/status/593110136970825728

زمبابوے کی ٹیم کا یہ دورہ پاکستان کے لیے انتہائی اہمیت کا حامل ہے۔ یہ دورہ پاکستان کے مستقبل کا تعین کرے گا۔ اگر یہ دورہ پرسکون انداز میں اختتام پذیر ہوگیا تو ہم دنیا کو بتاسکتے ہیں کہ پاکستان کھیل کے لیے اب خطرناک ملک نہیں ہے لیکن اگر خدانخواستہ اِس بار بھی دہشتگرد اپنے مقاصد میں کامیاب ہوگئے تو پھر شاید کھیل کے لیے پاکستان کے دروازے ہمیشہ کے لیے بند ہوجائیں۔

یقینی طور پر زمبابوے کا دورہ پاکستان ملک اور قوم کے لئے ایک خوشی و مسرت اور شادمانی کا باعث ہے۔ پاکستان کے دل لاہور میں تمام میچز کھیلے جائیں گے۔ زندہ دلان لاہور زمبابوے کی ٹیم کا جس بے صبری سے انتظار کررہے ہیں اس کی مثال آپ کو لاہور میں پارکوں، ہوٹلوں، کلاسز اور چائے خانوں میں ہر جگہ دکھائی دیں گی۔

مگر دوسری جانب پاکستان کے محب وطن ٹی وی چینلز ایان علی کی جلوے دکھانے میں مصروف و مگن ہیں، کیوں نہ ہوں؟ موصوفہ نے پاکستان کا نام جو پوری دنیا میں بدنام کیا ہے، ایان کے ہیر اسٹائل ہو یا کپڑوں کا انتخاب، بالوں کے ساتھ اٹھکیلیاں کرتے ہاتھ ہوں یا دیگر ناز وانداز، سب کیمرے کی آنکھ میں محفوظ کیے جارہے ہیں ۔حد تو یہ ہے کہ ایان کی گردن پر بنا ٹیٹو بھی ٹی سکرینوں پر قوم کو دکھایا جاتا رہا ہے۔

https://twitter.com/noorshafiq555/status/593340161565556736

لاہور کے ایک پارک میں بیٹھے چند دوستوں کے ساتھ زمبابوے کی ٹیم کے دورہ پاکستان پر گفتگو کے دوران میڈیا کے کردار پر بات چلی تو دوستوں کا کہنا تھا کہ جناب قوم جو دیکھنا چاہتی ہے میڈیا وہی دکھاتا ہے۔

میں چاہتے ہوئے بھی اپنے دوستے اختلاف نہیں کرسکتا تھا کہ میڈیا کا قصور اپنی جگہ مگر خرابی خود ہمارے اندر بھی ہے کہ ہم بھی وہی دیکھتے ہیں جو ہمیں نہیں دیکھنا چاہیے۔ اور بس یہی وجہ ہے کہ جس خبر میں پاکستان کی جگ ہنسائی ہو رہی ہو وہی خبر ''بریکنگ نیوز'' بنتی جاتی ہے اور کیوں قوم کو اُمید کا پیغام اور خوشی کا سامان مہیا کرنے والی خبریں میڈیا کی ترجیحات نہیں بنتی۔

زمبابوے کی ٹیم انٹرنیشنل کرکٹ کی بحالی کے لئے بارش کا ایک قطرہ ثابت ہوگی۔ پاکستانی میڈیا کو اپنا کردارادا کرتے ہوئے دنیا کو امید کا پیغام دینا چاہئے کہ پاکستان میں دہشت گردی اور انتہا پسندی کی کوئی گنجائش نہیں اور یہاں کے لوگ بھی کھیل سے محبت کرتے ہیں۔پاکستان میں بم نہیں پھٹتے بلکہ پھولوں کی برسات ہوتی ہے۔ پاکستانی قوم مایوسی کا نشان نہیں بلکہ امید کی علامت ہے۔

ملک ایک نئے دور میں داخل ہورہا ہے لیکن میڈیا کی ترجیحات ہی جدا ہیں۔ ظلم و تشدد، آگ اور خون، نفرت اور عصبیت کے مناظر ٹی وی سکرینوں اور اخبارات کے صفحات پر دکھانے کے بجائے اگر امن و سلامتی، پیار و محبت، باغ اور بہار کے رنگوں کو بکھیرا جائے تو ملک کا نام ساری دنیا میں روشن کیا جاسکتا ہے۔

Shame on #Pakistan #Media. This is the headline of a TV channel on a human tragedy
"Zalzaley ka baad Nepaleon ka burra haal"

— نالائق (@RajaArsalanKhan) April 26, 2015

ملک میں کھیلوں کے میدان آباد ہونے سے جہاں ملک میں بین الاقوامی کرکٹ کو فروغ حاصل ہوگا وہیں دوسری جانب ایک کثیر سرمایہ محفوظ ہوگا۔ پڑوسی ملک پاکستان میں کرکٹ کی بحالی کی مخالفت میں پیش پیش ہے۔ اس کے ٹی وی چینلز، اخبارات اور حکام پاکستان کے خلاف منفی پروپیگنڈا کرنے میں ہروقت مصروف رہتے ہیں۔ ہم پروپیگنڈے کا جواب دینا تو درکنار اپنے چینلز کے ذریعے اتنا پیغام بھی نہیں دے پائے کہ پاکستان میں بین الاقوامی کرکٹ کے بحالی کا سنگ بنیاد رکھا جاچکا ہے۔

اس وقت میڈیا کو ملک میں کرکٹ کی بحالی کے لئے کئے جانے والے اقدامات ساری دنیا کے سامنے لانے چائیے اور پاکستان کرکٹ ٹیم کی بدحالی اور خراب کارکردگی پر 24/7 براہ راست تبصرے اور تند و تیز طنز کے نشتر چلانے والے مبصرین کو تعمیری کام کرنے کے لئے بھی کردار ادا کرنا چاہیئے۔

#Pakistan #Cricket finally enters the last lane of decline in an exact same manner like hockey !!

— Samar Salim (@samarsalim) April 23, 2015

قوم کی خوشیوں کو دوبالا کرنے، ان کے چہروں پر مسکراہٹوں کے رنگ بکھیرنے کے لئے میڈیا کو اپنی ترجیحات بدلنا ہوں گی۔ زمبابوے کی ٹیم کی خیریت سے وطن واپسی کے لئے دعا گو رہیں اور آئندہ سالوں میں بین الاقوامی سطح پر پاکستان کے اصل چہرے کی تصویر نمایاں کرنے کی کوششیں تیز کریں۔ پاکستان کرکٹ بورڈ کو اپنی کوششیں تیز کرنا ہوں گی اور میڈیا کو بھی اپنے کیمروں کا رخ بھی کرکٹ کے آباد ہوتے میدانوں کی جانب کرنے کی ضرورت ہے۔

[poll id="394"]

نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں ہے۔

اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 800 الفاظ پر مشتمل تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس بھی