بھارتی کرکٹر روہت شرما کا دیرینہ دوست ریتیکا سے منگنی کا فیصلہ

روہت نے اپنی خاتون دوست کی تصویر بھی پرستاروں سے شیئر کی ہے۔ فوٹو : فائل

---

ISLAMABAD: بھارتی بیٹسمین روہت شرما نے اپنی دیرینہ دوست ریتیکا سجادھیا سے منگنی کرنے کا فیصلہ کرلیا، انھوں نے اپنے پرستاروں کو یہ خوشخبری سماجی رابطے کی ویب سائٹ پر سنائی۔

ان کا کہنا تھا کہ میں اپنی دوست ریتیکا کو اب جیون ساتھی بنانے کا ارادہ رکھتا ہوں، اس کے لیے ان سے منگنی کرنے کا فیصلہ کرلیا ہے، روہت نے اپنی خاتون دوست کی تصویر بھی پرستاروں سے شیئر کی ہے، روہت سے قبل بھارتی ٹیم کے ایک اور بیٹسمین سریش رائنا بھی اپنی دیرینہ دوست پریانکا چوہدری سے 3 اپریل کو شادی کرچکے ہیں، رائنا اور پریانکا بھی بچپن سے دوست تھے۔