سیاہ فام نوجوان کے قتل کے خلاف بالٹی مور کے شہریوں اور پولیس میں پھر تصادم 15 افسران زخمی

سیکڑوں مظاہرین نے سرکاری املاک کونقصان پہنچایا اوردرجنوں تجارتی مقامات کو لوٹ لیا

News Agencies May 04, 2015

متاثرین اس بات کے خواہش مندہیں کہ جن لوگوں کی املاک تباہ ہوئیں ان کے نقصانات کاازالہ کیاجائے گا، صدر اوباما۔ فوٹو: فائل

امریکی ریاست میری لینڈ کے علاقے بالٹی مور میں سیاہ فام نوجوان کی ہلاکت کے خلاف ہونے والے ہنگاموں میں کئی پاکستانی نژاد امریکیوں کی دکانوں کوبھی نذرآتش کردیا گیا، صدر اوباما نے بالٹی مور میں ہنگاموں کے ذمے دارعناصر سے مجرموں کی طرح نمٹنے کا حکم جاری کردیا۔

سیکڑوں مظاہرین نے سرکاری املاک کونقصان پہنچایا اوردرجنوں تجارتی مقامات کو لوٹ لیا۔ اس کے علاوہ مظاہرین نے گاڑیوں اور پولیس پر پتھراؤ کیا۔ مظاہرین اورپولیس کے تصادم میں 15افسران زخمی بھی ہوئے۔ مظاہرین نے جن دکانوں کولوٹا یا آگ لگائی ان میں کئی پاکستانیوں کی دکانیں شامل ہیں۔ حکومت کی جانب سے ہنگاموں سے متاثرہ علاقے میں امدادی کام شروع کردیا ہے۔ امدادی کاموں کے سلسلے میں مسلمان بھی شریک ہیں۔ مسلم رضاکاروں کی ٹیم نے سینئر ہاؤسز میں 2ٹرک امدادی سامان تقسیم کیا۔ دوسری جانب صدراوباما نے کہاکہ متاثرین اس بات کے خواہش مندہیں کہ جن لوگوں کی املاک تباہ ہوئیں ان کے نقصانات کاازالہ کیاجائے گا۔