مووی ریویو گبر از بیک

فلم کی خا ص بات ایک عام آدمی کی جانب سے کرپٹ اور کرپشن کے خلاف جدوجہد کرنا اور پھر اُس کا صفایا کرنا ہے۔

محمد سعید گھمن May 05, 2015

گبر از بیک سادہ اور ایماندار کالج پرو فیسر کی کہانی ہے جو ہنسی خوشی اپنی زندگی گزار رہا ہو تا ہے

بھارت اگرچہ دنیا کا سب بڑا جمہوری ملک ہے مگر اس کے ساتھ ہی وہاں حالیہ چند برسوں میں جن معاشرتی برائیوں کے خلاف آواز اٹھائی گئی ہے اس میں کرپشن سرفہرست ہے اور جناب انا ہزارے کا احتجاج بھی اسی کرپشن کے خلاف تھا جبکہ یہ بھی ایک مانی ہوئی حقیقت ہے کہ اکثر بالی ووڈ میں بنائی جانے والی فلمیں انہیں معاشرتی برائیوں کے ارد گرد گھومتی ہیں اور مزے کی بات تو یہ ہے کہ ایسی فلمیں عوام میں بے حد مقبول ہوتی ہیں جو معاشرے میں ہونے والی زیادتیوں اور نا انصافیوں پر روشنی ڈالتی ہیں۔

https://twitter.com/HereForSalman/status/594893131973152768

اسی طرح بالی ووڈ میں خطروں کے کھلاڑی کے نام سے شہرت کی بلندیوں کو چھونے والے اداکار اکشے کمار کی 30 اپریل کو ریلز ہونے والی فلم 'گبر از بیک' نے باکس آفس میں پہلے ہی دن 13 کروڑ کا بزنس کرکے سب کو حیران کر دیا اور یوں یہ رواں سال اوپننگ ڈے پر سب سے زیادہ بزنس کرنے والی فلم بن گئی ہے۔ یہ فلم ایکشن سے بھر پور ہے اور تھوڑا بہت رومانس بھی ہے۔

اس فلم کی خا ص بات ایک عام آدمی کی جانب سے کرپٹ اور کرپشن کے خلاف جدوجہد کرنا اور پھر اُس کا صفایا کرنا ہے کیونکہ ہمارے معاشروں میں درحقیقت اس طرح کا کام ایک مضبوط حکومت کے لئے بھی کرنا مشکل ہوتا ہے۔ فلم میں دکھایا گیا ہے کہ لوگ محض گبر کے خوف سے اپنا کام ایمانداری سے کرنا شروع کر دیتے ہیں اور رشوت خور رشوت لینے سے بھی ڈرتے ہیں۔ جی ہاں اس فلم کا اہم کردار گبر ہی ہے جس کو اکشے کمار نے نہایت ہی خوبصورتی سے سر انجام دیا ہے۔

https://twitter.com/Rajni3010/status/594936062209695745

اِس فلم میں نوجوان نسل یعنی طالب علموں کا کردار بھی بڑا اہم دکھایا گیا ہے۔ بظاہر اکشے کمار کو ایک کالج پروفیسر کے روپ میں دکھایا گیا ہے جس کا نام 'ادتیا راج' ہوتا ہے۔ حقیقت میں وہی گبر ہوتا ہے جو مظلوموں کی آواز اور ظالموں اور بدعنوان لوگوں کے لیے گلے کی ہڈی بن جاتا ہے۔

اصل میں یہ فلم ایک سادہ اور ایماندار کالج پروفیسر کی ہے جو ہنسی خوشی اپنی زندگی گزار رہا ہو تا ہے، کرینہ کپور جو اس کی بیوی کا کردار ادا کر رہی ہوتی ہے لیکن اچانک جس عمارت میں وہ رہائش پذیر تھے وہ عمارت منہدم ہوجاتی ہے جس میں پروفیسر صاحب کی بیوی سمیت 200 افراد ہلاک ہوجاتے ہیں۔ پروفیسر صاحب اس حادثے کا بھول نہیں پاتے اور اس واقع کی اصل تہہ تک پہنچ جاتے ہیں کہ کون کون سے لوگ اس حادثے کے ذمہ دار ہیں۔ ان کے پاس سارے ثبوت بھی ہوتے ہیں مگر وہ کرپٹ نظام میں بے بس نظر آتے ہیں۔ اب پروفیسر صاحب اِس بے بسی کی حالت میں کیا کرتے ہیں یہ تو آپ کو فلم دیکھنے کے بعد ہی معلوم ہوسکے گا۔

گبر از بیک میں دکھایا جاتا ہے کہ کس طرح معاشرے کے ناسور سرکاری دفاتر، ہسپتالوں اور پولیس اسٹیشن میں بیٹھ کر عوام کی خدمت کے نام پر ان لوٹ کھسوٹ کرتے ہیں۔ لوگ سب کچھ دیکھنے کے باوجود بے بس نظر آتے ہیں اوران سب ناانصافیوں کے خلاف آواز اُٹھانے کی جسارت تک نہیں کرتے۔ لیکن اِس نااُمیدی کے دور میں اچانک جب گبر اپنا کام شروع کرتا ہے تو وہ لوگوں کے دلوں کی آواز بن جاتا ہے۔ اِس کو عام آدمی کی تائید حاصل ہوجاتی ہے اور پھر معاشرے میں اچانک ایک تبدیلی سی نظر آتی ہے۔

With #GabbarIsBack happy days are back again for Bollywood. Off to a lovely start in single-screen cinemas. Multiplexes also open well.
— Komal Nahta (@KomalNahta) May 1, 2015

اس فلم میں وہ موقع بھی آتا ہے جب ایک کرپٹ آفسر کی بیوی اور بیٹا اس آفسر کی حمایت کرنے کے بجائے گبر کا ساتھ دیتے ہیں لیکن پھر اِس کے بعد کیا ہوتا ہے یہ دلچسپی کا حامل ہے۔

اگرچہ اس فلم میں روایتی الفاظ کا ہیر پھیر تھا۔ وہی ذاتی انتقام کی آگ اور وہی ہیرو کا اپنی محبوبہ سے محبت۔ مگر ان سب کے باوجود جو اس فلم کی خاص بات تھی وہ ایک عام آدمی کے اندر رشوت خوری اور بدعنوانی کے خلاف نفرت کو بیدار کرنا ہے اور معاشرے میں نوجوانوں کے کردار کی اہمیت کو دکھایا گیا ہے۔

نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں ہے۔

اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 800 الفاظ پر مشتمل تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس بھی

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مووی ریویو گبر از بیک

انٹرٹینمنٹ

راکھی ساونت نے ہانیہ عامر، نرگس اور دیدار کو ڈانس مقابلے کا چیلنج دے کر تہلکہ مچادیا

نیلم منیر کے برائیڈل شاور کی دلکش تصاویر نے مداحوں کے دل موہ لئے

بھارت میں پابندی کی شکار دلجیت دوسانجھ کی فلم ’پنجاب 95‘ کا ٹیزر جاری

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

مووی ریویو گبر از بیک

ہمارے ساتھ شامل ہوں

مقبول خبریں

انٹرٹینمنٹ

راکھی ساونت نے ہانیہ عامر، نرگس اور دیدار کو ڈانس مقابلے کا چیلنج دے کر تہلکہ مچادیا

نیلم منیر کے برائیڈل شاور کی دلکش تصاویر نے مداحوں کے دل موہ لئے

بھارت میں پابندی کی شکار دلجیت دوسانجھ کی فلم ’پنجاب 95‘ کا ٹیزر جاری

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین