بالی ووڈ کے وہ سپراسٹارز جنہوں نے خواتین کا روپ دھارا

بالی ووڈ کے کئی نامور اسٹارز نے فلموں میں خواتین کا کردار نبھایا جسے شائقین نے بے حد پسند کیا

Muhammad Farooq May 08, 2015

خواتین کا کردار نبھانے والی کئی فلمیں اداکاروں کی پہچان بن گئیں۔فوٹو فائل

لاہور: بالی ووڈ اسٹارفلموں میں اپنی جاندار اداکاری سے پرستاروں کو نہ صرف متاثر کرتے ہیں بلکہ فلم بینوں کو سنیما گھروں کا رخ کرنے پر مجبوربھی کرتے ہیں یہی وجہ ہے کہ بالی ووڈ کے کئی اداکاروں نے بعض فلموں میں خواتین کا کردار کچھ اس طرح ادا کیا کہ اسے شائقین کی جانب سے بھی حد پسند کیا گیا اور وہ فلمیں بھی کئی اداکاروں کی پہچان بن گئیں۔

شاہ رخ خان

https://img.express.pk/media/images/01-shahrukh-khan/01-shahrukh-khan.webp

بالی ووڈ کے کنگ شاہ رخ خان فلمی صنعت کا چمکتا دمکتا ستارہ ہیں جو اپنی اداکاری کے باعث دنیا بھر میں مشہور ہیں۔ شاہ رخ خان نے اپنی فلموں میں کئی کردار ادا کیے ہیں ۔ انہوں نے اپنی فلم ''ڈپلیکیٹ'' اور ''تری مورتی'' میں خواتین کےکردار ادا کیے ہیں جو ایک ان کی منفرد اداکاری ہے۔

عامر خان

https://img.express.pk/media/images/02-aamirrr-khan/02-aamirrr-khan.webp

بالی ووڈ کے مسٹر پر فیکشنیسٹ عامر خان کوسنجیدہ اداکار کہا جاتاہے ۔عامر خان فلموں کے چناؤ میں کافی سمجھ بوجھ سے کام لیتے ہیں لیکن انہوں نے بھی فلم ''بازی'' کے آئٹم سونگ میں خاتون کا کردار ادا کیا ہے جب کہ اس کے علاوہ مختلف اشتہارات میں بھی خاتون کا روپ دھا رچکے ہیں۔

سلمان خان

https://img.express.pk/media/images/03-salman-khaaaaan/03-salman-khaaaaan.webp

بالی ووڈ کے دبنگ سلمان خان بھارتی فلم انڈسٹری میں اہم مقام رکھتے ہیں۔ اپنی جاندار اداکاری کے باعث کسی قسم کا کرداراداکرنا ان کے لئے مشکل نہیں ہے ۔ دبنگ خان نے بھی فلم ''ہم آپ کے ہیں کون'' کے گانے میں خاتون کا کردار ادا کیا جب کہ اس کے علاوہ بھی مختلف فلموں کے گانوں میں خاتون کا کردار ادا کرتے رہے ہیں۔

گووندہ

https://img.express.pk/media/images/04-govinda/04-govinda.webp

بالی ووڈ کے کامیڈی کنگ گوندہ کا نام فلمی صنعت کی پہچان ہے۔ گووندہ کو بالی ووڈ میں دورے حاضر کا کامیڈی کنگ کہا جاتاہے ۔ گوندہ نے اپنی 2 فلموں ''آنٹی نمبر ون ''اور'' راجہ بابو ''میں خاتون کا کردار کیا جسے شائقین نے بہت پسند کیا ۔

اکشے کمار

https://img.express.pk/media/images/05-akshy-kumaaar/05-akshy-kumaaar.webp

بالی ووڈ کے خطروں کے کھلاڑی اکشے کمار ایکشن ،کامیڈی اوررومانوی فلموں میں اپنی اداکاری کے جوہر دکھا چکے ہیں ۔اکشے کمار کو شہرت کی بلندیوں پر پہنچانے والی فلم ''کھلاڑی'' میں بھی خاتون کا کرداداداکرچکے ہیں جو بڑادلچسپ تھا۔

اجے دیوگن

https://img.express.pk/media/images/06-ajay-deogan/06-ajay-deogan.webp

بھارتی فلم اسٹار اجے دیوگن ایکشن ہیرو کے طور پر جانے جاتے ہیں انہوں نے بھی کامیڈی فلم ''گول مال ریٹرن '' میں ساتھی اداکاروں کے ساتھ خاتون کاکردارنبھایا ہے۔

اکشے کھنا

https://img.express.pk/media/images/07-akshy-khanna/07-akshy-khanna.webp

بالی ووڈ اداکار اکشے کھنا بھی اپنی اداکاری کے باعث فلم انڈسٹری میں اپنا مقام رکھتے ہیں۔اکشے کھنا بھی اپنی فلم''نو پرابلم'' میں ساتھی اداکارانیل کپور سے خاتون بن کرعشق لڑا چکے ہیں۔

شاہد کپور

https://img.express.pk/media/images/08-shahid-kapooor/08-shahid-kapooor.webp

بالی ووڈ کے چاکلیٹی ہیرو شاہد کپور نے کئی بلاک بسٹرفلموں میں اپنی اداکاری کے جوہر دکھائے ہیں ۔اداکار شاہد کپور نے فلم ''ملیں گے ملیں گے'' میں خاتون کا کردار اداکیا جسے بے حد سراہا گیا۔

رتیش دیش مکھ

https://img.express.pk/media/images/09-ritesh-desh-mukh/09-ritesh-desh-mukh.webp

بالی ووڈ اداکاررتیش دیش مکھ اپنی اداکاری کے باعث بالی ووڈ میں مقام حاصل کرچکے ہیں اور کئی فلموں میں اپنی اداکاری کے باعث شائقین کا دل بھی جیت چکے ہیں انہوں نے فلم ''اپنا سپنا منی منی ''میں خاتون کا کرداربھرپور انداز میں نبھایا جسے بے حد پسند کیا گیا۔

کمال ہاسن

https://img.express.pk/media/images/10-chachi-420/10-chachi-420.webp

بالی ووڈ کی مشہور مزاحیہ فلم'' چاچی 420 ''کسی تعارف کی محتاج نہیں۔ چاچی 420 بھارتی فلم انڈسٹری کی واحد فلم ہے جس میں بالی ووڈ ادکار کمال ہاسن نے پوری فلم میں خاتون کا کردار اداکیا ہے۔