ہیلی کاپٹر کا بلیک باکس مل چکا حادثہ انجن کی خرابی کے باعث پیش آیا سیکریٹری خارجہ
واقعے میں کسی قسم کی دہشت گردی نہیں ہوئی، اعزازچوہدری کی عسکری حکام کے ہمراہ پریس بریفنگ
نلتر میں سفارت کاروں کا دورہ معمول کےمطابق تھا جہاں سکیورٹی کے فول پروف انتظامات تھے، اعزاز چوہدری،فوٹو:اے پی پی
MIAMI:
سیکریٹری خارجہ اعزاز چوہدری کا کہنا ہےکہ نلترہ میں حادثے کا شکار ہونے والے ہیلی کاپٹر کا بلیکس باکس مل چکا ہے تاہم واقعے میں کسی قسم کی دہشت گردی نہیں ہوئی جب کہ وزیردفاع خواجہ آصف نے بھی واقعے میں تخریب کاری کے امکان کو مسترد کردیا ہے۔
اسلام آباد میں سیکریٹری خارجہ اعزاز چوہدری نے عسکری حکام سمیت ناروے اور فلپائن کے سفارتی عملے کے ہمراہ واقعے پر پریس بریفنگ دی جس میں ان کا کہنا تھا کہ سفارت کاروں کا دورہ معمول کےمطابق تھا، ایسے دوروں کا مقصد انہیں پاکستان سے روشناس کرانا ہے۔ انہوں نے کہا کہ ہیلی کاپٹر انجن کی خرابی کےباعث تباہ ہوا اور حادثہ تکنیکی وجہ سے پیش آیا جب کہ ہیلی کاپٹر کا بلیک باکس مل چکا ہے اور واقعے میں کسی قسم کی دہشت گردی نہیں ہوئی ہے۔
سیکریٹری خارجہ نے کہا کہ نلتر میں سکیورٹی کے فول پروف انتظامات تھے، 30 ملکوں کے سفیر علاقے میں چیئرلفٹ کی افتتاحی تقریب کے لیے گئے، متاثرہ ہیلی کاپٹر میں سوار 12 افراد کو بچالیا گیا ہے جن میں سے پولینڈ کے سفیر اور ان کی اہلیہ کو معمولی زخم آئے ہیں۔ اعزاز چوہدری کا کہنا تھا کہ واقعے کی تحقیقات شروع کردی گئی ہیں جس کی مکمل رپورٹ سامنے لائیں گے جب کہ مرنے والوں کی یاد میں اگلے ہفتے تقریب منعقد کی جائے گی۔
اعزاز چوہدری نے کہا کہ ہم دکھ کی اس گھڑی میں متاثرہ خاندانوں کے غم میں برابر کے شریک ہیں، پوری قوم، سیاسی و عسکری قیادت غم زدہ ہے، کل ملک اور بیرون ملک سفارت خانون پر پاکستان کا پرچم سرنگوں رہے گا جب کہ حادثے میں جاں بحق افراد کی میتیں ان کے متعلقہ ملک بھجوانے کے اقدامات کیے جارہے ہیں۔
واضح رہے کہ آج گلگت کے علاقے نلتر میں پاک فوج کا ہیلی کاپٹر گر کر تباہ ہوگیا جس کے نتیجے میں غیر ملکی سفیروں سمیت 7 افراد جاں بحق ہوئے جن میں پاک فوج کے 2 پائلٹ بھی شامل ہیں۔
https://www.dailymotion.com/video/x2pjqd2_pakistan-foreign-secretary_news
سیکریٹری خارجہ اعزاز چوہدری کا کہنا ہےکہ نلترہ میں حادثے کا شکار ہونے والے ہیلی کاپٹر کا بلیکس باکس مل چکا ہے تاہم واقعے میں کسی قسم کی دہشت گردی نہیں ہوئی جب کہ وزیردفاع خواجہ آصف نے بھی واقعے میں تخریب کاری کے امکان کو مسترد کردیا ہے۔
اسلام آباد میں سیکریٹری خارجہ اعزاز چوہدری نے عسکری حکام سمیت ناروے اور فلپائن کے سفارتی عملے کے ہمراہ واقعے پر پریس بریفنگ دی جس میں ان کا کہنا تھا کہ سفارت کاروں کا دورہ معمول کےمطابق تھا، ایسے دوروں کا مقصد انہیں پاکستان سے روشناس کرانا ہے۔ انہوں نے کہا کہ ہیلی کاپٹر انجن کی خرابی کےباعث تباہ ہوا اور حادثہ تکنیکی وجہ سے پیش آیا جب کہ ہیلی کاپٹر کا بلیک باکس مل چکا ہے اور واقعے میں کسی قسم کی دہشت گردی نہیں ہوئی ہے۔
سیکریٹری خارجہ نے کہا کہ نلتر میں سکیورٹی کے فول پروف انتظامات تھے، 30 ملکوں کے سفیر علاقے میں چیئرلفٹ کی افتتاحی تقریب کے لیے گئے، متاثرہ ہیلی کاپٹر میں سوار 12 افراد کو بچالیا گیا ہے جن میں سے پولینڈ کے سفیر اور ان کی اہلیہ کو معمولی زخم آئے ہیں۔ اعزاز چوہدری کا کہنا تھا کہ واقعے کی تحقیقات شروع کردی گئی ہیں جس کی مکمل رپورٹ سامنے لائیں گے جب کہ مرنے والوں کی یاد میں اگلے ہفتے تقریب منعقد کی جائے گی۔
اعزاز چوہدری نے کہا کہ ہم دکھ کی اس گھڑی میں متاثرہ خاندانوں کے غم میں برابر کے شریک ہیں، پوری قوم، سیاسی و عسکری قیادت غم زدہ ہے، کل ملک اور بیرون ملک سفارت خانون پر پاکستان کا پرچم سرنگوں رہے گا جب کہ حادثے میں جاں بحق افراد کی میتیں ان کے متعلقہ ملک بھجوانے کے اقدامات کیے جارہے ہیں۔
واضح رہے کہ آج گلگت کے علاقے نلتر میں پاک فوج کا ہیلی کاپٹر گر کر تباہ ہوگیا جس کے نتیجے میں غیر ملکی سفیروں سمیت 7 افراد جاں بحق ہوئے جن میں پاک فوج کے 2 پائلٹ بھی شامل ہیں۔
https://www.dailymotion.com/video/x2pjqd2_pakistan-foreign-secretary_news