غلام احمد بلور اور گستاخانہ فلم کے پروڈیوسر کے برطانیہ داخلے پر پابندی عائد

برطانوی حکومت نے وفاقی وزیر ریلوے غلام احمد بلور اور گستاخانہ فلم کے پروڈیوسر نکولا بیسلے کے برطانیہ داخلے پر پابندی عائد کردی ہے۔


برطانوی حکام نے غلام احمد بلور اور نکولا بیسلے کو ناپسندیدہ اشخاص قرار دیتے ہوئے کہا ہے کہ ان کی موجودگی برطانیہ اور اس کے شہریوں کے مفاد میں نہیں ہے۔ وزیر ریلوے پر پابندی کا فیصلہ گستاخ رسولﷺ پر انعامی رقم مقرر کرنے کی بنا پر کیا گیا۔

واضح رہے کہ چند دن قبل غلام احمد بلور نے گستاخانہ فلم بنانے والے کو قتل کرنے پر ایک لاکھ ڈالر انعام دینے کا اعلان کیا تھا۔