لاہورمیں باپ نے بیٹی اور داماد کو قتل کردیا

لڑکی نے پتوکی کے لڑکے سے پسند کی شادی کی تھی، پولیس فوٹو: فائل

---

چوہنگ میں غیرت کے نام پر باپ نے فائرنگ کرکے بیٹی اور داماد کو قتل کردیا۔

ایکسپریس نیوز کے مطابق لاہور کے علاقے چوہنگ میں فائرنگ کے نتیجے میں ایک خاتون اور مرد ہلاک ہوگئے۔ پولیس کا کہنا ہے کہ فائرنگ کرنے والا شخص لڑکی کا باپ ہے جس نے پتوکی کے لڑکی سے پسند کی شادی کرنے پر دونوں میاں بیوی کو قتل کردیا جب کہ پولیس نے موقع واردات سے واقعے میں ملوث شخص سمیت 3 افراد کو حراست میں لے کر ان سے پستول اور دیگر آلہ قتل بھی برآمد کرلیا ہے۔