بلوچستان کے علاقے ڈیرہ بگٹی میں بارودی سرنگ کے پھٹنے سے تین سیکیورٹی اہلکار جاں بحق ہوگئے۔

ڈیرہ بگٹی کے علاقے پھیلاوغ میں دوران گشت سیکیورٹی فورسز کی گاڑی نامعلوم افراد کی طرف سے بچھائی جانے والی بارودی سرنگ سے ٹکراگئی جس کے نتیجے میں تین سیکیورٹی اہلکار جاں بحق اور ایک زخمی ہوگیا۔

حادثے میں سیکیورٹی فورسز کی گاڑی مکمل طور پر تباہ ہوگئی۔

واقعہ کے بعد سیکیورٹی فورسز نے علاقے کو گھیرے میں لے کر تفتیش شروع کردی ہے۔