برطانوی کاؤنٹی لیسٹرشائر کا عمر اکمل سے ٹی 20 ٹورنامنٹ کا معاہدہ

اپنی 100 فیصد کارگردگی سے کاؤنٹی کے اعتماد پر پورا اترنے کی کوشش کروں گا، عمر اکمل، فوٹو فائل

---

برطانوی کاؤنٹی لیسٹر شائر نے پاکستانی اسٹار بیٹسمین عمر اکمل سے ٹی20 ٹورنامنٹ کے لیے معاہدہ کیا ہے جو نیوزی لینڈ کے بیٹسمین گرانٹ ایلیٹ کی جگہ لیں گے۔

غیر ملکی خبر رساں دارے سے بات کرتے ہوئے لیسٹر شائر کاؤنٹی کے ہیڈ کوچ انیڈریو میکڈونلد کا کہنا تھا کہ ان کی کاؤنٹی نے عمر اکمل سے ٹی ٹونٹی بلاسٹ کے لیے 4 میچ کا معاہدہ کیا ہے۔ ان کا کہنا تھا کہ عمر اکمل جیسے باصلاحیت کرکٹر سے معاہدہ کرنا خوشی کی بات ہے اور اگر عمراکمل کی کارگردگی اچھی رہی تو آئندہ بھی ان کی صلاحیتوں سے فائدہ اٹھایا جاسکتا ہے۔

دوسری جانب عمر اکمل کا کہنا تھا کہ کسی بھی کاؤنٹی کے لیے ٹی ٹونٹی کھلنے کا پہلا موقع ہے اور وہ اس موقع سے بھر پور فائدہ اٹھانا چاہتے ہیں، کاؤنٹی کلب نے جو مجھ پر اعتماد کیا ہے وہ اپنی 100 فیصد کارگردگی سے ان کےاعتماد پر پورا اترنے کی پوری کوشش کریں گے۔