انگلینڈ کے نئے ہیڈکوچ کےلئے درخواست دینے والا ہوں پیٹرسن کا ٹویٹر پرمذاق

اعتماد ہمیشہ دوطرفہ ہوتا ہے، کیون پیٹرسن فوٹو: فائل

---

انگلش بیٹسمین کیون پیٹرسن نے ٹویٹر پر ازرائے مذاق کہا کہ وہ انگلینڈ کے نئے ہیڈکوچ کے لئے اپلائی کرنے والے ہیں۔

گزشتہ روز نئے ڈائریکٹر کرکٹ اینڈریو اسٹروس کے ساتھ انٹرنیشنل مقابلوں میں واپسی کے لیے میٹنگ ناکام ہونے کے بعد انھوں نے ٹویٹر پر کہا کہ ' کل جو سلوک میرے ساتھ ہوا رات بھر اس بار ے میں سوچتا رہا، اب میں ہیڈ کوچ کے عہدے کے لیے اپلائی کرنے والاہوں'۔

یاد رہے کہ اسٹروس نے کہا تھا کہ انگلش بورڈ پیٹرسن پر اعتماد نہیں کرسکتا اس لیے انھیں ٹیم میں شامل نہیں کیا جا رہا۔ اس پر اپنے کالم میں پیٹرسن نے کہا کہ اعتماد ہمیشہ دوطرفہ ہوتا ہے جو سلوک انھوں نے میرے ساتھ کیا، اس کے بعد ان پر اعتبار کون کرے گا؟۔