کراچی حملہ ظالمانہ کارروائی ہے تحقیقات میں تعاون کے لیے تیار ہیں جان کیری

امریکی عوام دکھ کی اس گھڑی میں پاکستان کے ساتھ ہیں، جان کیری۔ فوٹو: فائل

---

امریکی وزیرخارجہ جان کیری نے سانحہ صفورا گوٹھ کو ظالمانہ کارروائی قرار دیتے ہوئے بس حملے کی تحقیقات میں مدد کی پیشکش کی ہے۔

ایک نیوز چینل کے مطابق جان کیری نے کہا کہ بس حملے کی تحقیقات میں مدد دینے کے لیے تیار ہیں۔ ہم مجرموں کو سزا دلانے میں مدد فراہم کریں گے۔ امریکی عوام دکھ کی اس گھڑی میں پاکستان کے ساتھ ہیں۔

واضح رہے کہ دو روز قبل کراچی کے علاقے صفورا گوٹھ کے قریب نامعلوم افراد نے بس میں گھس کر فائرنگ کردی تھی جس کے نتیجے میں 44 افراد جاں بحق جب کہ 12 زخمی ہوگئے تھے۔