کراچی کے علاقے گلستان جوہرمیں فائرنگ سے ایس پی حیدرآباد جاں بحق

گلستان جوہر میں کار پر نامعلوم افراد کی فائرنگ سے حیدرآباد سینٹرل جیل کے سابق سپرنٹنڈنٹ اور ایس پی اعجاز حیدر جاں بحق ہوگئے۔

ایکسپریس نیوز کے مطابق گلستان جوہر پہلوان گوٹھ میں نامعلوم نے سرکاری گاڑی پر فائرنگ کی جس کے نتیجے میں ایس پی اعجاز حیدرجاں بحق ہوگئے جب کہ فائرنگ کے بعد ملزمان فرار ہوگئے۔ اطلاع ملتے ہی پولیس کی بھاری نفری موقع پر پہنچ گئی اور جائے وقوعہ کو گھیرے میں لے لیا۔


ایس ایس پی ایسٹ پیر محمد شاہ کے مطابق حیدرآباد جیل کے سابق سپرنٹنڈنٹ اعجاز حیدر شاہ اپنی اہلیہ کے ساتھ پہلوان گوٹھ سے خود گاڑی چلاتے ہوئے جارہے تھے جنہیں نامعلوم افراد نے نشانہ بنایا جب کہ انہیں سر اور سینے میں گولیاں ماری گئی جس کے باعث وہ موقع پر جاں بحق ہوگئے جب کہ گاڑی میں سوار ان کی اہلیہ فائرنگ سے زخمی ہوئیں جنہیں طبی امداد فراہم کی جارہی ہے۔

واضح رہے کہ 2 روز قبل بھی نامعلوم دہشت گردوں نے صفورا گوٹھ کے قریب اسماعیلی برادری کی بس پر فائرنگ کی تھی جس کے نتیجے میں 44 افراد جاں بحق ہوگئے تھے۔

https://www.dailymotion.com/video/x2qb00q_hyderabad-superintendent_news