رومنی کیساتھ آئندہ مباحثوں میں جارحانہ رویہ اختیار کرونگا اوباما

پہلے مباحثے میں مایوس کن کارکردگی پر رومنی وائٹ ہائوس کی دوڑ میں دوبارہ واپس آ گئے۔ فوٹو: فائل

---

امریکی صدر باراک اوباما نے کہا ہے کہ صدارتی انتخابات میں مد مقابل مٹ رومنی کے ساتھ آئندہ ٹی وی مباحثوں میں زیادہ جارحانہ رویہ اختیار کروں گا ۔

جمعرات کو امریکی چینل کو ایک انٹرویو میں انھوں نے بتایا کہ رومنی کیساتھ پہلے ٹی وی مباحثے میں انھوں نے شائستہ رویہ اختیار کیا جسکا نتیجہ یہ نکلا کہ رومنی کی عوامی مقبولیت میں تیزی سے اضافہ ہوا۔ اوباما نے کہا کہ پہلے مباحثے کی رات رومنی کیلیے اچھی جبکہ میرے لیے بری تھی۔

اے ایف پی کے مطابق اوباما نے اپنے مدمقابل مٹ رومنی کیساتھ مذاکرے میں مایوس کن کارکردگی کا اعتراف کرتے ہوئے کہا کہ یہ ان کیلیے خراب رات تھی اس مذاکرے کے نتیجے میں مٹ رومنی وائٹ ہائوس کی دوڑ میں دوبارہ واپس آ گئے۔