ISLAMABAD: شادباغ میں گھرمیں شارٹ سرکٹ سے آگ لگنے کی وجہ سے 6بچے جھلس کر جاں بحق ہوگئے۔

ایکسپریس نیوز کے مطابق لاہور کے علاقے شادباغ میں گھر میں 9 سے 10 افراد سوئے ہوئے تھے کہ ایک اچانک بجلی چلی گئی تاہم بجلی واپس آئی تو ائیرکنڈیشنرکاسرکٹ شارٹ ہونے سے آگ لگ گئی جس کے نتیجے میں ایک ہی خاندان کے 6 بچے جھلس کر جاں بحق ہوگئے جن میں 3 لڑکیاں اور 3 لڑکے شامل ہیں۔

جاں بحق ہونے والوں میں 12سالہ مناحل،11سالہ زین علی،8سالہ دعاء،5سالہ انیہہ اور ڈیڑھ سالہ جڑواں بھائی اذان اور ایذان بھی شامل ہیں۔