چین میں دنیا کا سب سے لمبا شیشے کا پل عوام کے لیے کھول دیا گیا

پل 26 اعشاریہ 68 میٹر طویل ہے جس پر چلنا دل گر دے والوں کا ہی کام ہے۔فوٹو: فائل

---

چین میں پہاڑوں کی بلندی پر شیشے سے بنا دنیا کا سب سے لمبا پل عوام کی تفریح کے لیے کھول دیا گیا۔

چین کے شہر چونگ پنگ میں اونچے پہاڑوں کی بلند ی پردنیا کا سب سے لمبا شیشے کا پل تعمیر کرکے عام عوام کی تفریح کے لیے کھول دیا گیا ہے جو ہرگز کمزور دل افراد کے لیے نہیں ہے۔گھوڑے کی نال کی بناوٹ والا یہ پل پہاڑی کی چوٹی پر کنارے سے ہٹا کرقائم کیا گیا ہے جوکہ 26 اعشاریہ68 میٹر طویل ہے جس پر چلنا دل گر دے والوں کا ہی کام ہے۔

1,010 میٹرز کی اونچائی پر موجود اس پل کے اوپر چلتے ہوئے آ پ کے قدموں تلے صرف موٹا شیشہ ہوتا ہے جس کی شفافیت کا اندازہ اس بات سے لگا یا جاسکتا ہے کہ ہزاروں فٹ نیچے کا منظر صاف نظر آتا ہے۔ اس پل پر بیک وقت 2 سو افراد چہل قدمی کرکے اس ایڈونچر سے لطف اندوز ہوسکتے ہیں، تاہم اس شیشے کے پل پر چلنے کے لیے 10 ڈالر کا ٹکٹ بھی خریدنا پڑیگا۔

واضح رہے کہ 6 ملین ڈالر کی لاگت سے بننے والے اس شیشے کے پل کی تعمیر کا آغاز پچھلے سال مارچ میں کیا گیا تھا جو اب کھول دیا گیا ہے۔