پابندیاں ختم ہونے سے نئی زندگی ملی ہے محمد عامر

کئی لوگ مجھے میدان میں واپس دیکھ کر خوش نہیں لیکن اس موقع کا بھرپور فائدہ اٹھانے کی کوشش کروں گا، محمد عامر

ویب ڈیسک May 20, 2015

محمد عامر ٹیسٹ میں 51، ون ڈے میں 25، اور ٹی ٹوئنٹی میں 23 وکٹیں لے چکے ہیں فوٹو: فائل

فاسٹ بولر محمد عامر نے کہا ہے کہ اسپاٹ فکسنگ کی وجہ سے ان پر لگائی گئی پابندی سے وہ بہت مایوس ہوگئے تھے لیکن اب ایسا لگتا ہے کہ انہیں نئی زندگی ملی ہے۔

آسٹریلوی ویب سائٹ کو دیئے گئے انٹرویو کے دوران محمد عامر نے اعتراف کیا کہ اسپاٹ فکسنگ اسکینڈل کی وجہ سے 5 سالہ پابندی کا شکار ہونے کے بعد وہ کرکٹ کو تقریباً خیرباد کہہ چکے تھے، ان کی آمدنی کا واحد ذریعہ صرف اور صرف کرکٹ تھا لیکن انہیں گیند کو ہاتھ لگانے کی بھی اجازت نہیں تھی جو ان کے لیے بہت تکلیف دہ تھا تاہم اب وہ دوبارہ کرکٹ کے میدانوں میں اپنی کھوئی ہوئی ساخت بحال کرنے میں مصروف ہیں۔ انہیں نئی زندگی ملی ہے اور وہ اس موقع سے بھرپور فائدہ اُٹھاتے ہوئے پاکستان کی خدمت کے لیے تیار ہیں۔ وہ مرحلہ وار بین الاقوامی کرکٹ میں واپسی چاہتے ہیں لیکن اس کے لیے پوری طرح ردھم میں ہونا ضروری ہے۔

محمد عامر کا کہنا تھا کہ کرکٹ کے میدان میں واپسی کے بعد سے وہ شائقین کی جانب سے ملنے والی حوصلہ افزائی سے بہت خوش ہیں۔ اس کے ساتھ ساتھ یہ بھی سچ ہے کہ بہت سے لوگ ان کی واپسی پر خوش نہیں لیکن بطور کرکٹر ان کی ذمہ داری میدان پر کارکردگی دکھانا اور پاکستانی عوام کو مایوس نہ کرنا ہے۔

دوسری جانب محمد عامر کے منیجر سید نعمان نے کہا کہ آسٹریلیا کے بگ بیش ٹورنامنٹ میں شرکت کے لئے انہیں پیشکش ہوئی ہے تاہم عامر کی ترجیح ستمبر میں شروع ہونے والے پاکستان کے فرسٹ کلاس ٹورنامنٹ میں کھیلنا ہے تاکہ وہ آئندہ پاک بھارت سیریز میں قومی ٹیم کا حصہ بن سکیں۔

محمد عامر ٹیسٹ میں 51، ون ڈے میں 25، اور ٹی ٹوئنٹی میں 23 وکٹیں لے چکے ہیں تاہم ان پر 2010 میں اسپاٹ فکسنگ کے الزام میں 5 سال کی پابندی عائد کردی گئی تھی جو ستمبر میں ختم ہوجائے گی۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

پابندیاں ختم ہونے سے نئی زندگی ملی ہے محمد عامر

انٹرٹینمنٹ

راکھی ساونت نے ہانیہ عامر، نرگس اور دیدار کو ڈانس مقابلے کا چیلنج دے کر تہلکہ مچادیا

نیلم منیر کے برائیڈل شاور کی دلکش تصاویر نے مداحوں کے دل موہ لئے

بھارت میں پابندی کی شکار دلجیت دوسانجھ کی فلم ’پنجاب 95‘ کا ٹیزر جاری

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

پابندیاں ختم ہونے سے نئی زندگی ملی ہے محمد عامر

ہمارے ساتھ شامل ہوں

مقبول خبریں

انٹرٹینمنٹ

راکھی ساونت نے ہانیہ عامر، نرگس اور دیدار کو ڈانس مقابلے کا چیلنج دے کر تہلکہ مچادیا

نیلم منیر کے برائیڈل شاور کی دلکش تصاویر نے مداحوں کے دل موہ لئے

بھارت میں پابندی کی شکار دلجیت دوسانجھ کی فلم ’پنجاب 95‘ کا ٹیزر جاری

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین