سندھ ریونیو بورڈ نے مبینہ طور پر جعلی ڈگریوں کی فروخت میں ملوث آئی ٹی کمپنی ایگزیکٹ سے مالی گوشواروں کی تفصیلات طلب کرلیں۔

ایکسپریس نیوز کے مطابق ایف آئی اے نے جعلی ڈگریوں کے معاملے پر ایگزیکٹ کمپنی کے خلاف دستاویزات اور ریکارڈ جمع کرتے ہوئے تحقیقات کا آغاز کردیا جب کہ سندھ بورڈ آف ریونیو نے بھی اسے نوٹس بھجوادیا۔ سندھ ریونیو بورڈ نے بھیجے گئے نوٹس میں کمپنی سے مالی گوشواروں کی تمام تفصیلات 7 روز میں پیش کرنے کی ہدایت کی ہے۔

دوسری جانب ایگزیکٹ کے ترجمان نے تصدیق کی ہے کہ انہیں سندھ ریونیو بورڈ کی جانب سے بھیجا گیا نوٹس موصول ہوگیا ہے۔