پی آئی اے اور ٹرانسپیرنسی انٹرنیشنل کے درمیان معاملات کی نگرانی کا معاہدہ طے پاگیا
پی آئی اے میں خریداری سمیت مختلف شعبوں میں خورد برد کی جارہی ہے، ٹرانسپیرنسی انٹر نیشنل کے چیئر مین عادل گیلانی
پی آئی اے میں خریداری سمیت مختلف شعبوں میں خورد برد کی جارہی ہے، ٹرانسپیرنسی انٹر نیشنل کے چیئر مین عادل گیلانی فوٹو: فائل
پی آئی اے اور ٹرانسپیرنسی انٹرنیشنل کے درمیان ایک معاہدہ طے پایا ہے جس کے مطابق ٹرانسپیرنسی انٹرنیشنل پی آئی اے کے معاملات کی نگرانی کرے گا۔
پی آئی اے کے قائم مقام ایم ڈی کیپٹن جنید یونس نے میڈیا سے بات چیت کرتے ہوئے کہا کہ ایک سال سے کم عرصے میں پی آئی اے کو ایسے خطوط پر استوار کریں گے کہ لوگ پروازوں کی روانگی سے اپنی گھڑیوں کا وقت ملائیں گے۔
اس موقع پر ٹرانسپیرنسی انٹر نیشنل کے چیئر مین عادل گیلانی کا کہنا تھا کہ پی آئی اے میں خریداری سمیت مختلف شعبوں میں خورد برد کی جارہی ہے جس کے باعث پی آئی اے کو مسلسل خسارے کا سامنا ہے۔