سہیل انور سیال نے وزیر داخلہ سندھ کا حلف اٹھالیا

سہیل انور سیال صوبائی کابینہ میں پہلی مرتبہ شامل ہو ئےہیں فوٹو: فائل

---

پاکستان پیپلز پارٹی کے رکن سندھ اسمبلی سہیل انور سیال نے وزیرداخلہ کا حلف اٹھالیا۔

سندھ کے نئے وزیر داخلہ سہیل انور سیال کی حلف برداری کی تقریب گورنر ہاؤس کراچی میں ہوئی جہاں گورنرسندھ ڈاکٹرعشرت العباد نے سہیل انور سیال سے صوبائی وزیر کا حلف لیا۔حلف برداری کی تقریب میں وزیراعلیٰ سندھ قائم علی شاہ ،صوبائی وزیر شرجیل انعام میمن اور پیپلز پارٹی کے دیگر اراکین بھی شریک تھے۔

واضح رہے کہ لاڑکانہ سے کامیاب ہونے والے سہیل انور سیال صوبائی کابینہ میں پہلی مرتبہ شامل ہوئے ہیں۔