بچن خاندان کی سنگاپور میں71 ملین ڈالرز کی بڑی سرمایہ کاری  

امیتابھ بچن کی جانب سے فرم پراعتماد کے اظہار پر ان کا شکرگزار ہوں، فرم مالک، فوٹو:فائل

---

بالی ووڈ کے میگا اسٹار امیتابھ بچن اور ان کے خاندان نے سنگاپور کی فرم میں بڑی سرمایہ کاری کی ہے۔

بالی ووڈ کے ستاروں کی آئی پی ایل اور دیگر ایونٹ میں سرمایہ کاری کے بعد بھارتی فلم نگری کے باقی اداکاروں میں بھی مختلف شعبوں میں سرمایہ کاری کا رجحان بڑھتا جارہا ہے۔اسی طرح بالی ووڈ کے میگا اسٹار امیتابھ بچن اور ان کے خاندان نے سنگاپور میں 71 ملین ڈالرز کی بھاری سرمایہ کاری کی ہے۔

بچن خاندان نے آن لائن رقم کی لین دین کرنے والی سنگاپور کی فرم زدوڈاٹ کوم میں سرمایہ کاری کی ہے جب کہ اس موقع پرفرم کے مالک کا کہنا تھا کہ میں امیتابھ بچن کی جانب سے فرم پراعتماد کے اظہار پر ان کا شکرگزار ہوں۔