ہمیشہ اپنے کام پر توجہ دی پروپگنڈاغلط ہے حسن جہانگیر

''ہوا ہوا'' جیسے مقبول گیت سے شہرت حاصل کرنے والے نامور پاکستانی گلوکار حسن جہانگیر نے پڑوسی ملک میں ایک بار پھر اپنی بہترین گلوکاری سے زبردست داد حاصل کی.


انھوں نے بھارتی فلم میں ایک گیت ریکارڈ کرایا جسے پسند کیا گیا،جب کہ ان کا مشہور گیت ہوا ہوا کو بھی نئے سرے سے ایک فلم میں شامل کیا گیا ہے،انھوں نے ایک ملاقات میں بتایا کہ چند لوگوں نے میری ذاتی زندگی کے حوالے بے بنیاد پروپیگنڈہ کیا ہوا لیکن یہ بات سب جانتے ہیں کہ میں ایسی سرگرمیوں میں ملوث نہیں رہا ہوں.

جوکسی بھی حوالے سے نیک نامی پر اثر انداز ہو میںصرف اور صرف اپنے کام سے کام رکھتا ہوں کیونکہ مجھے اپنے ملک کا وقار بے حد عزیز ہے اﷲنے مجھے جو شہرت دی ہے وہ میرا سب سے بڑا انعام ہے میں خوش نصیب ہوں کہ مجھے دنیا بھر میں عزت ملی ،میری شناخت پاکستان ہے اور یہی میرا سب سے بڑا اعزاز ہے۔