کراچی کے علاقے ریلوے کالونی میں پولیس مقابلہ 4 ملزمان ہلاک

پولیس نے خفیہ اطلاع پر چھاپہ مارا تو علاقے میں موجود ملزمان نے فائرنگ کردی، فوٹو:فائل

---

QUETTA: ریلوے کالونی میں پولیس اور گینگ وار ملزمان کے درمیان فائرنگ کے نتیجے میں 4 ملزمان ہلاک ہوگئے۔

ایکسپریس نیوز کے مطابق کراچی کے علاقے ریلوے کالونی میں پولیس نے خفیہ اطلاع پرچھاپہ مارا تو علاقے میں موجود ملزمان نے پولیس پارٹی پر فائرنگ کردی جس کے بعد پولیس کی جانب سے جوابی فائرنگ کی گئی جس کے نتیجے میں 4 ملزمان ہلاک ہوگئے۔

ایس ایس پی سٹی فدا حسین کے مطابق ہلاک ملزمان ڈاکو تھے اور ان کا تعلق گینگ وار سے ہے جب کہ ملزمان کے قبضے سے اسلحہ اور دیگر مسروقہ سامان بھی برآمد ہوا ہے۔