پاکستان سے سیریزپر بھارتی قلابازیوں کا سلسلہ جاری
بات چیت بدستور جاری اور نئی تجاویز کا جائزہ لیا جارہا ہے
بات چیت بدستور جاری اور نئی تجاویز کا جائزہ لیا جارہا ہے۔ فوٹو: فائل
پاکستان سے سیریز کے لیے بھارتی قلابازیوں کا سلسلہ جاری ہے، پی سی بی کے آنکھیں دکھانے پر آئی پی ایل چیئرمین راجیو شکلا نے یوٹرن لے لیا، وہ کہتے ہیں کہ بھارت پڑوسی ملک سے سیریز کھیلنے میں دلچسپی رکھتا ہے، چند معاملات طے پا جائیں تو باہمی مقابلوں کو حتمی شکل دے دی جائے گی۔ دوسری جانب بی سی سی آئی کے سیکریٹری انوراگ ٹھاکر کا کہنا ہے کہ بات چیت میں پیش رفت ہوتے ہی سیریز کا باقاعدہ اعلان کردیں گے۔
انڈین پریمیئر لیگ کے چیئرمین راجیو شکلا نے چند روز قبل اپنے ایک بیان میں کہا تھا کہ پاک بھارت سیریز کے فی الحال امکانات دکھائی نہیں دیتے۔ جس پر پی سی بی کے چیئرمین شہریار خان نے شدید برہمی ظاہر کرتے ہوئے واضح کیاکہ 99 میں پاکستانی ٹیم نے بھی نامساعد حالات میں بھارت کا دورہ کیا تھا۔ پی سی بی کے آنکھیں دکھانے پر اب راجیو شکلا نے یو ٹرن لے لیا، وہ کہتے ہیں کہ ہم خود پاکستان کے ساتھ کھیلنے کے لیے کافی بے چین ہیں، ہم اس کے خلاف بالکل بھی نہیں ہیں لیکن کچھ ایسی چیزوں کا طے پانا ضروری ہے۔
انھوں نے مزید کہا کہ ہم اس سیریز کے حوالے سے کافی مثبت ہیں، بات چیت بدستور جاری اور نئی تجاویز کا جائزہ لیا جارہا ہے، مجھے امید ہے کہ جلد ہی کسی مثبت نتیجے پر پہنچ جائیں گے۔
دوسری جانب بی سی سی آئی کے سیکریٹری انوراگ ٹھاکر نے ایک بار پھر واضح کیا کہ باہمی اتفاق کے باوجود کئی معاملات ابھی تک حل طلب ہیں۔ انھوں نے کہا کہ جب پی سی بی کے چیئرمین شہریار خان بھارت آئے تب بھی ہم نے ان کے سامنے چند معاملات اٹھائے تھے، کئی چیزیں ایسی ہیں جنھیں طے کرنا ضروری ہے، جب ہم ان پر کسی نتیجے پر پہنچ جائیں گے تو پھر باضابطہ اعلان بھی کردیں گے، ضرورت ہوئی تو پھر ٹور بھی ہوگا۔
انڈین پریمیئر لیگ کے چیئرمین راجیو شکلا نے چند روز قبل اپنے ایک بیان میں کہا تھا کہ پاک بھارت سیریز کے فی الحال امکانات دکھائی نہیں دیتے۔ جس پر پی سی بی کے چیئرمین شہریار خان نے شدید برہمی ظاہر کرتے ہوئے واضح کیاکہ 99 میں پاکستانی ٹیم نے بھی نامساعد حالات میں بھارت کا دورہ کیا تھا۔ پی سی بی کے آنکھیں دکھانے پر اب راجیو شکلا نے یو ٹرن لے لیا، وہ کہتے ہیں کہ ہم خود پاکستان کے ساتھ کھیلنے کے لیے کافی بے چین ہیں، ہم اس کے خلاف بالکل بھی نہیں ہیں لیکن کچھ ایسی چیزوں کا طے پانا ضروری ہے۔
انھوں نے مزید کہا کہ ہم اس سیریز کے حوالے سے کافی مثبت ہیں، بات چیت بدستور جاری اور نئی تجاویز کا جائزہ لیا جارہا ہے، مجھے امید ہے کہ جلد ہی کسی مثبت نتیجے پر پہنچ جائیں گے۔
دوسری جانب بی سی سی آئی کے سیکریٹری انوراگ ٹھاکر نے ایک بار پھر واضح کیا کہ باہمی اتفاق کے باوجود کئی معاملات ابھی تک حل طلب ہیں۔ انھوں نے کہا کہ جب پی سی بی کے چیئرمین شہریار خان بھارت آئے تب بھی ہم نے ان کے سامنے چند معاملات اٹھائے تھے، کئی چیزیں ایسی ہیں جنھیں طے کرنا ضروری ہے، جب ہم ان پر کسی نتیجے پر پہنچ جائیں گے تو پھر باضابطہ اعلان بھی کردیں گے، ضرورت ہوئی تو پھر ٹور بھی ہوگا۔