سورج آج بھی آگ برساتارہا لاڑکانہ اورجیکب آباد کا پارہ 50 ڈگری تک پہنچ گیا

کراچی کا درجہ حرارت 36،راولپنڈی اوراسلام آباد کا درجہ حرارت 33 ڈگری سینٹی گریڈ ریکارڈ کیا گیا، محکمہ موسمیات، فوٹو: فائل

---

ملک کے مختلف شہروں میں گرمی کی لہر برقرار ہے جب کہ اندرون سندھ درجہ حرارت 50 ڈگری سینٹی گریڈ تک ریکارڈ کیا گیا۔

محکمہ موسمیات کے مطابق سندھ کے شہر جیکب آباد اور لاڑکانہ سب سے زیادہ گرم رہے جہاں زیادہ سے زیادہ درجہ حرارت 50 ڈگری سینٹی گریڈ ریکارڈ کیا گیا جب کہ سبی اور دادو میں 49 اور نواب شاہ میں درجہ حرارت 46 ڈگری سینٹی گریڈ ریکارڈ کیا گیا۔ سکھر اور حیدرآباد میں درجہ حرارت 43، رحیم یارخان میں 44 اورلاہور کا درجہ حرارت 40 سینٹی گریڈ ریکار ڈ کیا گیا۔

تربت، ساہیوال اور فیصل آباد میں بھی سورج سوا نیزے پر رہا جہاں کا درجہ حرارت 39 سینٹی گریڈ ریکارڈ کیا گیا جب کہ کراچی کا درجہ حرارت 36 اور جڑواں شہروں راولپنڈی اوراسلام آباد کا درجہ حرارت 33 ڈگری سینٹی گریڈ ریکارڈ کیا گیا۔