نارتھ کراچیڈاکوئوں نے گھر کے دروازے پر اہل خانہ کو لوٹ لیا

نارتھ کراچی میں ڈاکوئوں نے دیدہ دلیری کا مظاہرہ کرتے ہوئے گھر کے دروازے پر اہل خانہ کو اسلحے کے زور پر لوٹ لیا۔ فوٹو: فائل

---

نارتھ کراچی میں ڈاکوئوں نے دیدہ دلیری کا مظاہرہ کرتے ہوئے گھر کے دروازے پر اہل خانہ کو اسلحے کے زور پر لوٹ لیا۔

تفصیلات کے مطابق نارتھ کراچی سیکٹر8کے رہائشی یاور عباس کو اہل خانہ سمیت لوٹ لیا، یاور عباس نے بتایا کہ وہ پاک فضائیہ میں لیفٹیننٹ رہ چکے ہیں، گزشتہ روز ایک تقریب میں شرکت کے بعد جب اپنے گھر پہنچے تو کار سے اترے ہی تھے کہ موٹر سائیکل سوار ڈاکوئوں نے اسلحے کے زور پر یرغمال بنالیا، ڈاکوئوں میں ایک لڑکی بھی شامل تھی۔

ڈاکوئوں نے ان سے نقدی، موبائل فون، گھڑی اور دیگر قیمتی اشیا لوٹ لیں جبکہ گھر کے دروازے پر موجود ان کے والد کی جیب بھی خالی کرالی، یاور عباس کے بٹوے میں قومی شناختی کارڈ ، سروس کارڈ، ڈرائیونگ لائسنس اور دیگر قیمتی دستاویزات تھیںجوکہ ڈاکو اپنے ہمراہ لے گئے۔