کراچی میں پولیس موبائل پر فائرنگ سے 3 اہلکار جاں بحق
عزیزآباد کےعلاقے بھنگوریا گوٹھ میں 2 موٹر سائیکلوں پر سوار مسلح افراد نے پولیس موبائل پردواطراف سےاندھا دھند فائرنگ کی
پولیس اہلکار نائٹ ڈیوٹی پر تعینات تھے جبکہ جاں بحق ہونے والوں میں ایک سب انسپکٹر بھی شامل ہے۔ فوٹو: فائل
لاہور:
عزیز آباد میں مسلح افراد کی پولیس موبائل پر فائرنگ سے 3 اہلکار جاں بحق ہو گئے۔
ایکسپریس نیوز کے مطابق عزیزآباد کے علاقے بھنگوریا گوٹھ میں 2 موٹر سائیکلوں پر سوار 4 مسلح افراد نے پولیس موبائل پر دو اطراف سے اندھا دھند فائرنگ کردی جس کے نتیجے میں 3 اہلکار جاں بحق ہو گئے۔ پولیس اہلکار نائٹ ڈیوٹی پر تعینات تھے جبکہ جاں بحق ہونے والوں میں ایک سب انسپکٹر بھی شامل ہے۔ پولیس اہلکاروں کی شناخت سب انسپکٹر سکندر اور کانسٹیبل اشرف اور عابد شامل ہیں۔
دوسری جانب ایس پی لیاقت آباد طاہر نورانی کا کہنا ہے کہ پولیس اہلکاروں نے جرائم پیشہ افراد کی موجودگی کی اطلاع پر ان کا پیچھا کیا تو ملزمان سے مقابلہ ہوا جس کے نتیجے میں 3 پولیس اہلکار جاں بحق ہوئے۔ واقعہ کے بعد پولیس کی بھاری نفری موقع پر پہنچ گئی اور علاقے کا محاصرہ کر کے دہشت گردوں کی گرفتاری کے لئے کارروائی کا آغاز کردیا ہے۔
واضح رہے کہ رواں برس ٹارگٹ کلنگ کے واقعات میں اب تک 49 پولیس افسران و اہلکار جاں بحق ہو چکے ہیں۔
عزیز آباد میں مسلح افراد کی پولیس موبائل پر فائرنگ سے 3 اہلکار جاں بحق ہو گئے۔
ایکسپریس نیوز کے مطابق عزیزآباد کے علاقے بھنگوریا گوٹھ میں 2 موٹر سائیکلوں پر سوار 4 مسلح افراد نے پولیس موبائل پر دو اطراف سے اندھا دھند فائرنگ کردی جس کے نتیجے میں 3 اہلکار جاں بحق ہو گئے۔ پولیس اہلکار نائٹ ڈیوٹی پر تعینات تھے جبکہ جاں بحق ہونے والوں میں ایک سب انسپکٹر بھی شامل ہے۔ پولیس اہلکاروں کی شناخت سب انسپکٹر سکندر اور کانسٹیبل اشرف اور عابد شامل ہیں۔
دوسری جانب ایس پی لیاقت آباد طاہر نورانی کا کہنا ہے کہ پولیس اہلکاروں نے جرائم پیشہ افراد کی موجودگی کی اطلاع پر ان کا پیچھا کیا تو ملزمان سے مقابلہ ہوا جس کے نتیجے میں 3 پولیس اہلکار جاں بحق ہوئے۔ واقعہ کے بعد پولیس کی بھاری نفری موقع پر پہنچ گئی اور علاقے کا محاصرہ کر کے دہشت گردوں کی گرفتاری کے لئے کارروائی کا آغاز کردیا ہے۔
واضح رہے کہ رواں برس ٹارگٹ کلنگ کے واقعات میں اب تک 49 پولیس افسران و اہلکار جاں بحق ہو چکے ہیں۔