ایف آئی اے کا ایگزیکٹ اکاؤنٹس کی تفصیلات کے لئے یو اے ای اور برطانیہ سے رابطہ
بیرون ممالک اکاؤنٹس کے انکشاف کے بعد ایگزیکٹ کے خلاف جعلی ڈگری کے ساتھ منی لانڈرنگ کی تحقیقات بھی ہو گی، ذرائع
ایف آئی اے نے ایگزیکٹ سے متصل ایک عمارت پر چھاپہ مار کر لاکھوں جعلی ڈگریاں، اسٹوڈنٹس کارڈز اور ڈی وی ڈیز برآمد کئے۔ فوٹو: فائل
ISLAMABAD:
جعلی ڈگزی اسکینڈل کے حوالے سے ایگزیکٹ کے بیرون ممالک بینک اکاؤنٹس کے انکشاف کے بعد ایف آئی اے نے یو اے ای اور برطانیہ سے تفصیلات طلب کر لی ہیں۔
ایکسپریس نیوز کے مطابق ایف آئی اے کی تحقیقات کے دوران اس بات کا انکشاف ہوا کہ ایگزیکٹ کے بیرون ممالک 8 بینک اکاؤنٹس بھی ہیں جس کے بعد جعلی ڈگری اسکینڈل نے ایک نیا رخ موڑ لیا ہے اور اب ایگزیکٹ حکام سے منی لانڈرنگ کے حوالے سے بھی تحقیقات متوقع ہیں۔ ذرائع کے مطابق ایف آئی اے حکام نے یو اے ای میں ایگزیکٹ کے بینک اکاؤنٹس کی تفصیلات طلب کر لی ہیں جب کہ نیویارک ٹائمز کی خبر کے مطابق لندن کی یونیورسٹی سے بھی ایگزیکٹ کے حوالے سے تفصیلات طلب کر لی ہیں۔
دوسری جانب ڈائریکٹر ایف آئی اے شاہد حیات نے کراچی میں ایگزیکٹ ہیڈ آفس کا دورہ کیا اور شعیب شیخ سے کی جانے والی تحقیقات کے بعد ایک ایگزیکٹ کی عمارت سے متصل ایک اور عمارت پر چھاپے کے لئے ٹیم تشکیل دی۔ ذرائع کے مطابق اس عمارت میں 800 کے قریب جعلی ڈگریاں بالکل تیار تھیں جو امریکا اور یورپ سمیت مختلف خلیجی ممالک میں بھیجی جانی تھیں۔
واضح رہے کہ گزشتہ رات بھی ایف آئی اے نے ایگزیکٹ سے متصل ایک عمارت پر چھاپہ مار کر لاکھوں جعلی ڈگریاں، اسٹوڈنٹس کارڈز اور ڈی وی ڈیز برآمد کر لئے تھے۔
https://www.dailymotion.com/video/x2ropji_axact-investigation_news
جعلی ڈگزی اسکینڈل کے حوالے سے ایگزیکٹ کے بیرون ممالک بینک اکاؤنٹس کے انکشاف کے بعد ایف آئی اے نے یو اے ای اور برطانیہ سے تفصیلات طلب کر لی ہیں۔
ایکسپریس نیوز کے مطابق ایف آئی اے کی تحقیقات کے دوران اس بات کا انکشاف ہوا کہ ایگزیکٹ کے بیرون ممالک 8 بینک اکاؤنٹس بھی ہیں جس کے بعد جعلی ڈگری اسکینڈل نے ایک نیا رخ موڑ لیا ہے اور اب ایگزیکٹ حکام سے منی لانڈرنگ کے حوالے سے بھی تحقیقات متوقع ہیں۔ ذرائع کے مطابق ایف آئی اے حکام نے یو اے ای میں ایگزیکٹ کے بینک اکاؤنٹس کی تفصیلات طلب کر لی ہیں جب کہ نیویارک ٹائمز کی خبر کے مطابق لندن کی یونیورسٹی سے بھی ایگزیکٹ کے حوالے سے تفصیلات طلب کر لی ہیں۔
دوسری جانب ڈائریکٹر ایف آئی اے شاہد حیات نے کراچی میں ایگزیکٹ ہیڈ آفس کا دورہ کیا اور شعیب شیخ سے کی جانے والی تحقیقات کے بعد ایک ایگزیکٹ کی عمارت سے متصل ایک اور عمارت پر چھاپے کے لئے ٹیم تشکیل دی۔ ذرائع کے مطابق اس عمارت میں 800 کے قریب جعلی ڈگریاں بالکل تیار تھیں جو امریکا اور یورپ سمیت مختلف خلیجی ممالک میں بھیجی جانی تھیں۔
واضح رہے کہ گزشتہ رات بھی ایف آئی اے نے ایگزیکٹ سے متصل ایک عمارت پر چھاپہ مار کر لاکھوں جعلی ڈگریاں، اسٹوڈنٹس کارڈز اور ڈی وی ڈیز برآمد کر لئے تھے۔
https://www.dailymotion.com/video/x2ropji_axact-investigation_news