ہالینڈ کی کمپنی نے فولڈنگ ہوٹل تیار کرلیا

ہوٹل کا بنیادی مقصد لوگوں کو کھلی فضا میں بہترین رہائش مہیا کرنا ہے فوٹو : فائل

---

ISLAMABAD: ہالینڈ کی ایک کمپنی نے ایسا ہوٹل بنالیا ہے جسے تہہ کرکے کہیں بھی لے جایا جاسکتا ہے ایک کمرے پر مشتمل اس فولڈنگ ہوٹل میں باتھ روم کی سہولت موجود ہے اور صرف دس منٹ میں پورا کمرہ تیار کرکے خواب خرگوش کے مزے لیے جاسکتے ہیں ۔

انوکھا ہوٹل تیار کرنیوالی کمپنی فلکسوٹل (Flexotel) کا کہنا ہے کہ اس ہوٹل کا بنیادی مقصد لوگوں کو کھلی فضا میں بہترین رہائش مہیا کرنا ہے کمپنی کے چیف ایگزیکٹو وون ہیجڈن (Von Heijden) کے مطابق اس فولڈنگ کمرے میں دو لوگوں کے آرام کرنے کی گنجائش کے ساتھ ساتھ بجلی لائٹ بنیادی فرنیچر اور دیگر اشیا بھی مہیا کی گئی ہیں اور اسے کبھی بھی اور کسی بھی جگہ آسانی کے ساتے لے جایا جاسکتا ہے ۔