کراچی میں موٹر سائیکل پر خواتین کیلئے ہیلمٹ لازمی قرار دینے کیخلاف درخواست

ٹریفک پولیس نے 8 جون سے موٹر سائیکل پر سفر کرنے والے دوسرے شخص پر بھی ہیلمٹ پہننا لازمی قرار دے دیا ہے فوٹو: فائل

---

ٹریفک پولیس کی جانب سے کراچی میں موٹرسائیکل پر سفر کے دوران خواتین پر ہیلمٹ کے استعمال کی پابندی کے حکم کے خلاف سندھ ہائی کورٹ میں درخواست دائر کردی گئی ہے۔

سندھ ہائی کورٹ میں دائر کی گئی درخواست میں موقف اختیار کیا گیا ہے کہ آئین میں موٹر سائیکل پر سوار دوسرے شخص پر ہیلمٹ پہننے کی پابندی کا کوئی قانون موجود نہیں اس کے علاوہ خواتین کے ہیلمٹ سے متعلق احکامات کا فائدہ دہشت گرد اٹھا سکتے ہیں، اس لئے عدالت سے استدعا ہے کہ حکومت کے اس فیصلے کو کالعدم قرار دیا جائے۔

واضح رہے کہ ٹریفک پولیس کی جانب سے 8 جون سے موٹر سائیکل پر سفر کرنے والے افراد کو ہیلمٹ استعمال کرنے کے احکامات جاری کیے گئے ہیں جن میں خواتین کو بھی لازمی طور پر ہیلمٹ پہننے کی ہدایت کی گئی ہے۔