سانحہ مستونگ میں جاں بحق افراد کے لواحقین کی وزیراعلی ہاؤس میں داخل ہونے کی کوشش

CAIRO:
سانحہ مستونگ میں جاں بحق ہونے والے افراد کے لواحقین نے وزیراعلی ہاؤس کے اندر داخل ہونے کی کوشش کی جس پر پولیس نے مظاہرین پر شینلگ بھی کی جس کے بعد مظاہرین منشتر ہوگئے۔

ایکسپریس نیوز کے مطابق ضلع مستونگ میں گزشتہ روز دہشت گردوں کی گولیوں کا نشانہ بننے والے 21 مسافروں کے لواحقین کی جانب سے وزیراعلی ہاؤس کے باہر دھرنا دیا گیا جن سے مذاکرات کے لئے وزیراعلی عبدالمالک بلوچ خود آئے اور شرکا سے بات کی لیکن وزیراعلی کے جانے کے بعد مشتعل مظاہرین نے وزیراعلی ہاؤس کے اندر گھسنے کی کوشش کی جس پر پولیس نے مظاہرین پر آنسو گیس کی شینلگ کی۔ واقعے کے بعد گورنر اور وزیراعلی ہاؤس سے سیکیورٹی میں مزید اضافہ کردیا گیا ہے۔


اس سے قبل ڈاکٹرعبدالمالک بلوچ نے سانحے میں جاں بحق ہونے والے افراد کے لواحقین سے بات کرتے ہوئے کہا کہ ہمیں غم کا احساس ہے اور مجھ سمیت پورے ملک کے لوگ اس غم میں آپ کے ساتھ ہیں، مستونگ واقعے میں ملوث عناصر کے خلاف آپریشن کیا جارہا ہے انہیں ضرور عبرت کا نشان بنائیں گے۔

واضح رہے کہ گزشتہ روزکوئٹہ سے کراچی جانے والی 2 مسافر کوچوں کو دہشت گردوں نے ضلع مستونگ کے علاقے کھڈ کوچہ میں یرغمال بنا لیا تھا جس کے بعد 20 مسافروں کو فائرنگ کر کے قتل کردیا تھا۔