پاکستان کے خلاف آج آخری ون ڈے ضرور کھیلیں گے زمبابوے کرکٹ بورڈ

بہترین سیکیورٹی کی یقین دہانی کرائی گئی ہے اس لئے دورہ پاکستان شیڈول کے مطابق جاری رہے گا، ترجمان زمبابوے کرکٹ بورڈ. فوٹو:فائل

---

زمبابوے کرکٹ بورڈ نے سیکیورٹی کے تمام تحفظات کو مسترد کرتے ہوئے دورہ پاکستان جاری رکھنے کا اعلان کیا ہے۔

ایکسپریس نیوز کے مطابق زمبابوے کرکٹ بورڈ نے سیکیورٹی کے تمام تحفظات کو مسترد کرتے ہوئے آج پاکستان ٹیم کے خلاف 3 میچز پر مشتمل سیریز کا آخری میچ کھیلنے کا اعلان کیا ہے۔ ترجمان زمبابوے بورڈ کا کہنا تھا کہ پولیس انتظامیہ نے سیکیورٹی کے بہترین انتظامات کی یقین دہانی کرائی ہے جس کے بعد ٹیم آج اپنا آخری ایک روزہ میچ شیڈول کے مطابق کھیلے گی۔